ماہرین کا کہنا ہے کہ بلڈ گروپ بھی ہارٹ اٹیک کا خطرہ بڑھانے کا باعث بن سکتا ہے۔
اب یہاں سوال یہ ہے کہ کون سے بلڈ گروپ کے لوگوں کو دِل کے دورے کا سب سے زیادہ اور سب سے کم خطرہ ہوتا ہے؟
حال ہی میں کی گئی ایک تحقیق سے یہ بات سامنے آئی ہے کہ خون کے گروپ سے جانا جاسکتا ہے کہ کسی فرد میں ہارٹ اٹیک کا خطرہ ہے یا نہیں۔
تحقیق میں دریافت کیا گیا ہے کہ اے اور بی بلڈ گروپ کے حامل افراد میں ہارٹ اٹیک کا خطرہ او بلڈ گروپ کے مقابلے میں 9 فیصد زیادہ ہوتا ہے۔
محققین کا کہنا ہے کہ اے بلڈ گروپ کے حامل افراد میں کولیسٹرول کی سطح زیادہ ہونے کا خطرہ ہوتا ہے، یہی وجہ ہے کہ ان میں ہارٹ اٹیک کا خطرہ بھی زیادہ ہوتا ہے۔
صبح کے وقت دل کا دورہ پڑنے کا امکان زیادہ کیوں ہوتا ہے؟ جانیے
ماہرین کا کہنا ہے کہ لوگوں کو دل کا دورہ زیادہ تر صبح کے وقت پڑتا ہے۔
اب آپ کے دماغ میں بھی ایک سوال ضرور آیا ہو گا کہ زیادہ تر صبح کے وقت ہی دل کا دورہ کیوں پڑتا ہے اور اس کی کیا وجہ ہے؟
یہ بھی پڑھیں: ورزش کے دوران دل کا دورہ پڑنے کی وجوہات کیا ہیں؟
حال ہی میں اس سوال کا جواب دیتے ہوئے بھارت کے فورٹیز میموریل ریسرچ سینٹر گڑگاؤں کے چیئرمین ڈاکٹر ٹی ایس کلیر نے کہا ہے کہ اس کی وجہ جسم میں ہارمونز کا اخراج ہے۔
انہوں نے کہا کہ صبح کے وقت ہمارے جسم میں سائٹوکینین نامی ہارمون پیدا ہوتا ہے جودل کی دھڑکن میں غیرمعمولی اضافے کا سبب بنتا ہے جو شخص پہلے سے دل کے عارضے میں مبتلا ہو اس کا دل یہ پریشر برداشت نہیں کر پاتا اور فیل ہو جاتا ہے۔
ڈاکٹر ٹی ایس کلیر نے کہا کہ امریکا کے بریگھم اینڈ ویمنز اسپتال اور اوریگن ہیلتھ اینڈ سائنس یونیورسٹی کے ماہرین کی ایک تحقیق میں اس کا ذمہ دار ہمارے باڈی کلاک کو ٹھہرایا گیا ہے۔
یہ بھی پڑھیں: نیند کا دورانیہ آپ کے دل کی صحت پر کتنا اثر انداز ہوتا ہے؟
انہوں نے کہا کہ ہمارے باڈی کلاک کی وجہ سے دوسرے اوقات میں ہمارا جسم چوکنا رہتا ہے لیکن رات کے وقت ہم سوتے ہیں اور ہمارا جسم تمام تر توانائی صرف کرتا ہے جس کے نتیجے میں ہمارے جسم میں مختلف ہارمونز پیدا ہوتے ہیں۔
ڈاکٹر ٹی ایس کلیر نے کہا کہ یہ عمل صبح کے وقت ہوتا ہے جس کی وجہ سے بلڈ پریشر اور دل کی دھڑکن میں اضافہ ہوتا ہے اور یہی دل کے مریضوں کیلئے ہارٹ اٹیک کا سبب بنتا ہے۔
یہ بھی پڑھیں: دل کا دورہ پڑنے سے 1 ہفتہ پہلے ظاہر ہونے والی 4 خاموش علامات جو آپ کو ہر گز نظر انداز نہیں کرنی چاہئیں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News