یہ بات سب ہی جانتے ہیں کہ انڈہ ایک صحت بخش غذا ہے اور ہر گھر میں موجود ہوتا ہے اس کی یہ خوبی ہے کہ اس سے نمکین اور میٹھے دونوں پکوان تیار کئے جاسکتے ہیں ۔ سردیوں میں انڈے کا حلوہ کھانے کا اپنا ہی مزہ ہے، کیونکہ یہ غذائیت سے بھر پور ہونے کی بنا پر آپ کی توانائی میں اضافہ کرتا ہے اور یوں آپ سرد ی سے بھی بچے رہتے ہیں ۔ اسی لئے آج آپ کو انڈے کا حلوہ بنانا سیکھارہیں جو جھٹ پٹ تیار ہو جاتا ہے اور بے حد مزیداربھی ہو تاہے۔
یہ بھی پڑھیں: روزانہ انڈے کھانا بچوں کی صحت کیلئے نقصاندے تو نہیں؟
اجزاء:
انڈے چھ عدد
دودھ ایک کپ
چینی تین چوتھائی کپ(ایک سو پچاس گرام)
کھویا دو سو گرام(اگر کھویا نہ ہو تو خشک دودھ ایک کپ لے سکتے ہیں )
کاجو حسب ضرورت
بادام حسب ضرورت
پسی الاءچی آدھا چائے کا چمچ
گھی تین چوتھائی کپ(ایک سو پچاس ملی لیٹر )
ترکیب:
ایک بلینڈر میں انڈے،دودھ، چینی اور کھویا ڈال کر اچھی طرح بلینڈ کریں یہ ایک آمیزہ تیار ہو جائے گا ،اب ایک کڑاہی میں گھی ڈال اکر اس آمیزے کو آہستہ آہستہ شامل کرتے جائیں اور چمچ سے ہلاتے رہیں تاکہ یہ چپک نہ جائے، دھیمی آنچ پر اسے اس وقت تک پکائیں جب تک حلوہ دانے کی شکل میں نظر آنے لگے اور پانی خشک ہو نے پر اسے اتنا پکائیں کہ گھر نظر آنے لگ جائیں پھر اس میں خشک میوہ جات اور الاءچی شامل کریں اب ا سے کسی ڈش میں نکال کر پیش کریں لیجئے مزیدار انڈے کا حلوہ تیار ہے ۔
نوٹ:یہاں پر دیسی گھی استعمال کیا گیا ہے آپ عام گھی بھی استعما ل کر سکتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News