انڈا ایک مکمل اور صحت بخش غذا ہے جسے بچے ہو یا بڑے سب ہی شوق سے کھاتے ہیں یہاں تک کہ دنیا کی بڑی آبادی کی صبح کی پہلی غذا بھی انڈا ہی ہے۔

انڈے کی سب سے خاص بات یہ ہے اس سے میٹھے اور نمکین دونوں طرح کے پکوان تیار کیے جاسکتے ہیں۔ یوں تو اس کا ذائقہ نہایت ہی مزیدار ہوتا ہے تاہم دنیا بھر کے شیف آئے دن نت نئے انداز سے اسے بنانے کی ترکیبیں پیش کرتے رہتے ہیں تاکہ اس کی افادیت کو مزید بڑھا کر صحت کو بہتر بنایا جاسکے۔

اسی طرح کی ایک ترکیب یہاں پر پش کی جارہی ہے جسے ایگ کپ کیک کا نام دیا گیا ہے جانتے ہیں اسے کیسے تیار کیا جاتاہے۔

کپ کیک کا نام تو آپ نے ہی سنا آپ نے ہوگا تو بنا ئیں بہت لذیذ ایگ کپ کیک جس کے لئے آ پ کو چاہئے دو عدد انڈے، ایک چائے کا چمچ کٹا ہو پالک، ایک چائے کا چمچ باریک کٹی ہو ئی پیاز، ایک چائے کا چمچ باریک کٹی ہو ئی ہری مرچ، ایک کٹا ہوا ٹماٹر، دو کھانے کے چمچ موزریلا چیز، نمک اور کالی مرچ حسب ذائقہ۔

 ان سبزیوں کے بجائے آپ اپنی من پسند سبزیاں، چکن اور مصالحہ بھی شامل کر سکتے ہیں۔

 سب سے پہلے اوون کو ایک سو اسی سینٹی گریڈ پر پر ی ہیٹ کریں۔ اب انڈے میں تمام اجزاء مکس کریں اور کپ کیک ٹرے پر آئل لگا کر اس میں انڈے کے آمیزے کو ڈال کر بیس منٹ تک بیک کریں۔ مزیدار ایگ کپ کیک تیار ہیں ۔