آج ہم آپکو روزانہ 3 انڈے کھانے کے حیرت انگیز فوائد بتائیں گے۔

انڈے جسم کو صحت مند رکھنے کے لیے ضروری ہیں، ایک دن میں اچھی خاصی تعداد میں انڈے کھا سکتے ہیں اور اس کے فوائد حاصل کر سکتے ہیں۔

اچھا کولیسٹرول (ایچ ڈی ایل) بڑھ جائے گا

آپ کے جسم کو کچھ ایسے کولیسٹرول کی بھی ضرورت ہوتی ہے جو انڈوں سے ملتا ہے۔

ان میں اچھا کولیسٹرول مناسب مقدار میں ہوتا ہے لہٰذا انڈے کو مستقل طور پر کھانے سے آپ کا ایچ ڈی ایل بڑھ جاتا ہے اس طرح آپ کے جسم میں موجود خراب کولیسٹرول کو ختم کیا جا سکتا ہے۔

دل کی بیماریوں کا خطرہ کم

جب انڈوں کی وجہ سے آپ کی جسم میں اچھا کولیسٹرول زیادہ ہوگا اور یقینی طور پر برا کولیسٹرول ختم ہوجائے گا تو آپ دل کی بیماریوں سے بھی محفوظ رہیں گے۔

ایک تحقیق کے مطابق خراب کولیسٹرول کا تعلق عام طور پر خراب دل سے ہوتا ہے، یہ آپ کو دل کی بیماری کا شکار بناتا ہے۔

جب آپ انڈوں سے مدد حاصل کرتے ہیں تو دل کی بیماریوں کا خطرہ 50 فیصد تک کم ہوجاتا ہے۔

ہڈیوں کو مضبوط بنانے میں مددگار

آپ جو پروٹین لیتے ہیں اس کی مقدار اور آپ کے جسم کے درمیان ایک گہرا تعلق موجود ہوتا ہے۔

جانوروں کا پروٹین درحقیقت کیلشیم کو برقرار رکھنے اور جذب کرنے میں آپ کی مدد کرے گا اس لیے انڈا آپ کی ہڈیوں کی کثافت اور مضبوطی میں بہتری کا باعث بنے گا۔

دماغی صحت کے لیے بہترین

روزانہ کم سے کم ایک انڈہ کھانے سے آپ کی یادداشت تیز ہوگی، یہ انڈہ کسی بھی انداز میں کھایا جاسکتا ہے چاہے ابلا ہوا ہو یا پھر آملیٹ یا پھر فرائی۔

آنکھوں کے لئے مفید

انڈا آنکھوں کی صحت کے لئے بےحد مفید ہے خاص طور پر عمر بڑھنے کے عمل کے دوران۔

جب آپ باقاعدگی سے انڈے کھاتے ہیں تو آپ کے موتیا کا مرض ہونے کے امکانات بھی کم ہو جاتے ہیں۔