روزمرہ کے معمول کے کام کے دوران آپ کا سامنا مختلف کیمیکلز سے ہوتا ہے ان گھریلو کیمیکلز میں بالوں کو رنگنے والے روغن، فرنیچر اور جراثیم کش اسپرے شامل ہیں سائنسدانوں کے مطابق یہ عام کیمیکلز دماغی صحت کے لیے خطرہ بن سکتے ہیں اور اعصابی امراض جیسے کہ ملٹیپل سکلیروسیس اور آٹزم کی وجہ بن سکتے ہیں۔
اوہائیو میں واقع کیس ویسٹرن ریزرو یونیورسٹی اسکول آف میڈیسن کے تحت ایک تحقیق کی گئی جس میں گھروں میں استعمال ہونے والے 1,823 عام کیمیکلز کو جانچا گیا جس میں سے 292 کیمیکلز ایسے تھے جنہیں دماغی خلیے کی ایک خاص قسم جسے اولیگوڈینڈروسائٹ کہتے ہیں اور جو اعصابی خلیوں کے گرد حفاظتی تہہ بناتی ہےکے نقصان کا باعث بنتی ہے۔
تحقیق میں شامل ڈاکٹر پال ٹیسر کا کہنا ہے کہ اولیگوڈینڈروسائٹس کا نقصان ملٹیپل سکلیروسیس اور دیگر اعصابی امراض سے منسلک ہے۔ واضح رہے کہ یہ تحقیق چوہوں پر کی گئی تاہم یہ کیمیکلز لاکھوں افراد کو براہ راست متاثر کر سکتے ہیں۔
گھروں میں روزانہ ہی جراثیم کش اسپرے کیے جاتے ہیں اسی طرح الیکٹرانک آلات اور فرنیچر سے جڑی مصنوعات میں بھی ایسے زہریلے مادے ہوتے ہیں جنہیں لوگ روزانہ استعمال کرتے ہیں۔ یہ گھر کی فضا میں شامل ہوکر پانی اور غذا کو آلودہ بنا دیتے ہیں جس سے انسانی صحت براہ راست متاثر ہوتی ہے۔ اسی طرح گیس سے چلنے والی گاڑیوں کا دھواں بھی اعصابی امراض کا سبب بن سکتا ہے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News