روس میں منعقدہ عالمی کانفرنس کے دوران کشمیر اسٹال دنیا بھر سے آئے وفود کی توجہ کا مرکزبن گیا۔

تفصیلات کے مطابق اہتمام کشمیر یوتھ الائنس کے زیر اہتمام  مقبوضہ وادی میں بھارتی مظالم کو اجاگر کرنے کیلئے روس کے شہر سوچی میں عالمی والنٹیرز کانفرنس کے دوران کشمیر اسٹال کا اہتمام کیا گیا۔

کشمیر سٹال کا اہتمام کشمیر یوتھ الائنس کے ترجمان مخدوم شہاب الدین نے کیا، دنیا بھر سے آئے وفود نے کشمیر سٹال کا دورہ کیا اور مسئلہ کشمیر کی تاریخ، حقائق اور اقوام متحدہ کی قراردادوں سے متعلق معلومات حاصل کیں۔

نوجوان ایکٹیوسٹ مخدوم شہاب الدین نے کہا کہ روس میں دنیا بھر سے آئے نوجوانوں نے کشمیر کے مسئلے پر بھارت کو آڑے ہاتھوں لیا۔

نوجوانوں کا کہنا تھا کہ وادی کے عوام کو ان کے مستقبل کا فیصلہ کرنے کا مکمل حق ہے جو حق انہیں اقوام متحدہ کی قراردادیں بھی دیتیں ہیں۔

 کشمیر کے حوالے سے عالمی فورم پر موثر آواز اٹھانے پر کے وائی اے کے چیئرمین سعد ارسلان صادق، صدر ڈاکٹر سید مجاہد گیلانی سمیت مجلس عاملہ نے مخدوم شہاب کو خراج تحسین پیش کیا۔