مائیکرو سافٹ نےنیا ایج براﺅزر کو ونڈوز اور میک آپریٹنگ سسٹم کے لیے پیش کردیا ہے۔

تفصیلات کے مطابق مائیکرو سافٹ نے ایک سال تک کی جانے والی محنت کے بعد صارفین کے لیے نیا ایج براﺅزر کو متعارف کروا دیا ہے۔

دلچسپ بات یہ ہے کے مائیکروسافٹ نے اپنے ویب براﺅزر کو اب کروم جیسا بنادیا ہے۔

مائیکروسافٹ نے ایج براﺅزر کو تیار کرنے کے کرومیم نامی رینڈرنگ انجن کا استعمال کیا ہے جو کہ گوگل اپنے براﺅزر کے لیے استعمال کررہا ہے۔

مائیکروسافٹ کے صارفین ’ ونڈو ز7‘ سے محروم

یاد رہے یہ نیا ایج براﺅزر گوگل کروم کی طرح ہی ویب سائٹس کے لیے کام کرے گا  لین اس براﺅزر کو دیگر براﺅزر میں پیش آنے والےمسائل کا سامنا نہیں کرنا پڑے گا۔

خیال رہے کہ مائیکرو سافٹ ایج میں ان براﺅزر ایکسٹینشز کو بھی استعمال کیا جاسکتا ہے جو اس وقت گوگل کروم کے لیے دستیاب ہیں بس کروم ایکسٹینشز کو براﺅزر ایسسز انسٹال کرتے ہوئے دینی ہوگی۔

یہ براﺅزر ونڈوز 10 کے لیے دستیاب ہے مگر چونکہ یہ کرومیم پر تیار کیا گیا تو اسے ونڈوز 8.1، 8 اور 7 پر بھی انسٹال کیا جاسکتا ہے۔

اس کے علاوہ ایج کو آئی او ایس اور اینڈرائیڈ پر بھی ڈاﺅن لوڈ کیا جاسکتا ہے۔

واضح رہے کہ لنک کھولنے پر ڈاﺅن لوڈ بٹن پر کلک کریں اور Accept پر کلک کرنے کے بعد ڈاﺅن لوڈنگ کا عمل شروع ہوجائے گا ،انسٹال ہونے پر یہ براﺅزر خودکار طور پر اسٹارٹ اپ ہوجائے گا، اگر آپ کے پاس کروم موجود ہے تو ایج کی جانب سے بک مارکس، آٹوفل ڈیٹا اور ہسٹری گوگل براﺅزر سے امپورٹ کرنے کا پوچھا جائے گا۔

گزشتہ روز قبل مائیکرو سافٹ کی جانب سے ونڈوز 7 سپورٹ باضابطہ طور پر ختم کردی گئی ہے۔