شوبزدنیا سے کنارہ کشی کرنے والی سابق گلوکارہ و اداکارہ رابی پیرزادہ نے عمرے کی سعادت حاصل کرلی۔
رابی پیرزادہ نے سماجی رابطے کی ویب سائٹ ٹوئٹر پر اپنے عمر ہ کے دوران اس سفر سے متعلق مختلف تصاویر اورپوسٹس شئیر کیں اور مقدس مقامات کے بارے میں مداحوں کو اس پر ہونے والی کرامات کے بارے میں بتاتی نظر آئیں۔
گزشتہ روز رابی پیرزادہ نے ایک پوسٹ شئیر کی جس میں ان کا کہناتھا کہ آج ان کا عمرے کاآخری دن ہے اور انہیں نہیں پتہ تھا کہ آج ان کے سالگرہ کے دن ہی ان کی فلائٹ بھی ہے اور کہا کہ کہتے ہیں جو بھی عمرہ یا حج کرے وہ ایسا ہو جاتا ہے جیسے ماں کے پیٹ سے نکلا ہو۔
رابی نے مداحوں سے سالگرہ کا تحفہ مانگتے ہوئے کہا کہ مجھے آپ سے سالگرہ کا تحفہ چاہیئے اور تحفہ میں مجھے آپکی دعا چاہیئے آپ دعا کریں کہ میں اپنے اس فیصلے پر ثابت قدم رہوں کیونکہ اکثر ایسا ہوتا ہے لوگ چاہ کر اللہ کی طرف نکلتے ہیں اور تھوڑی دیر بعد واپس پلٹ جاتے ہیں۔
ایسا کیوں ہوتا ہے رابی اس کی وجہ بتاتے ہوئے کہا کہ اس کی وجہ گلیمر ہے گلیمر آپ کو بہت متاثر کرتا ہے اس کو چھوڑنا بہت مشکل ہے ایسا لگتا جیسے یہ دو الگ زندگیاں ہیں۔
انہوں نے کہا کہ مجھے آپ سے دعاؤں کا تحفہ چاہئے کہ میں اپنے فیصلے پر ثابت قدم رہوں اس کی وجہ یہ ہے کہ مجھے دعاؤں کی بہت سخت ضرورت ہے انہوں نے اپنی تصاویر لیک ہونے کا بتاتے ہوئے کہا کہ جب میرے ساتھ یہ حادثہ ہوا اس کے بعد بہت سی خواتین کے ساتھ یہ حادثہ ہوتا رہا بلکہ ان کی تو مردوں کے ساتھ اس طرح کی ویڈیو بھی آئیں لیکن وہ وائرل نہیں ہوئیں۔
رابی نے وجہ بتاتے ہوئے کہا کہ دیگر خوتین کی نازیبا ویڈیو لوگوں نے فراموش اس لیے کیں کہ کیونکہ انہوں نے اپنا راستہ نہیں بدلا تو لوگ بھول گئے اور اپنے بارے میں بات کرتے ہوئے کہا کہ میں چونکہ راستہ بدل گئی اللہ کی طرف پلٹ گئی تو لوگ اسے نہیں بھولتےلوگ اس کو معاف نہیں کرتے۔
انہوں نے کہا لیکن مجھے خوشی اس بات کی ہے کہ بہت سے لوگ مجھے سپورٹ کرتے ہیں اس راستے میں اور انہوں نے کہا کہ آپ جب بھی یہاں پر آئیں دعا کریں۔
انہوں نے سوشل میڈیا کے بارےبات کرتے ہوئے کہا کہ ہمارے آج کل کا سوشل میڈیا جو فلموں ڈراموں اور گانوں اورسیاسی باتوں سے بھرا پڑا ہے اور کچھ ایسی چیزوں سے بھرا پڑا ہے جن سے دل ٹوٹتے ہیں جیسے بچوں کے ساتھ یہ ہوا وہ ہوا اغیرہ تو انہوں نے درخواست کرتے ہوئے کہا کہ پلیز ان کو آپ اسلامی چیزوں سے بھی بھریں ہم مسلمان ہیں اس میں کوئی بری بات نہیں ہے۔
اور دوسری بات یہ ہے کہ پاکستان کے لئے دعا کریں کوئی سیاسی پارٹی کوئی کچھ نہیں ہے سب پاکستانی ہیں اور اور انہوں نے کہا کہ کشمیر کے لئے دعا کریں۔
رابی نے کہا وہ ابھی وہ عملی طور پرکشمیر کے لئے اب کچھ نہیں کر رہی اور کیوں نہیں کر رہی یہ بتانے سے انکار رتے ہوئے کہا کہ اگر انہوں نے بتایا تو سب کو ان پر ترس آئے گا اور انہوں نے کہا کشمیر کے لئے پاکستان کے لئے بہت سارے ایسے لوگوں کے لئے دعا کریں جنہیں اللہ ہدایت دے۔
ویڈیو کے ساتھ مداحوں کے لئے پیغام لکھا کہ انہیں سب سے بہت ہی خاص تحفے کی ضرورت ہے پلیز سب دعا کریں کہ میں صراط مستقیم پر ثابت قدم رہوں۔ رابی نے لکھا میری سالگرہ کا تحفہ صراط مستقیم کی دعائیں ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News