متحدہ عرب امارات میں کوروناوائرس کےٹیسٹ کےلیےصرف 14 روزمیں ایک بڑی اورجدید لیبارٹری قائم کرلی گئی ہے۔

اس  لیبارٹری میں بہت جلداس مہلک وائرس کاشکارہونےوالےافرادکےٹیسٹ شروع کردیےجائیں گے۔

 عرب میڈیا کےمطابق یہ لیبارٹری جینومکس کمپنی بی جی آئی اورابوظبی میں قائم سرکردہ ٹیکنالوجی کمپنی گروپ 42 (جی 42) نے مشترکہ طور پر قائم کی ہے۔

بی جی آئی اور جی 42 کے اعلان کےمطابق نئی لیبارٹری یواےای کےمصدرشہرمیں قائم کی گئی ہےاور یہاں بڑے پیمانے پرٹیسٹوں کی سہولت دستیاب ہوگی۔

جی 42 کی ویب سائٹ پربتایاگیاہےکہ اس لیبارٹری میں بی جی آئی کی تیارکردہ آر ٹی-پی سی آر کی تشخیصی کٹس کواستعمال کیاجائےگا۔

BGI and Group 42 announced today the launch of a new massive-throughput laboratory built to address the need for population-scale detection and diagnosis of #covid19 in the United Arab Emirates. Read the press release: https://www.bolnews.com/urdu/latest/2020/04/447473/amp/ pic.twitter.com/Lmhkpi2f0i

— BGI (@BGI_Genomics) March 31, 2020

اس کےذریعےنظام تنفس کےلیےاکٹھےکیےگئےنمونوں کاٹیسٹ کیاجاتاہے۔ان تشخیصی کٹوں کی چین ، یورپ اورامریکاکےطبی ادارےاورعالمی ادارہ صحت منظوری دےچکےہیں۔

جی 42 نےکہاہےکہ نئی لیبارٹری میں یواےای اوراس کےہمسایہ ممالک سےاکٹھےکیےگئےنمونوں کے ٹیسٹوں کوترجیح دی جائےگی لیکن اس نےاس کی مزیدوضاحت نہیں کی ہےاورنہ اس لیبارٹری سےاستفادہ کرنےوالےممالک کانام بتایاگیاہے۔

بی جی آئی کےشریک بانی اورچیئرمین وانگ جیان کاکہناہےکہ ’’ہم (اس لیبارٹری میں )یواےای اوراس سے ماورالوگوں کےعلاوہ عالمی سطح پرصحت کودرپیش خطرےسےنمٹنےکےلیےدنیا کی بہتری ٹیکنالوجی اورتجربے کوبروئےکارلائیں گے۔‘‘