محکمہ تعلیم سندھ نے تعلیمی سیشن -212020 کے لیے اسکولوں اور کالجز کا امتحانی شیڈول جاری کر دیا ہے۔

شیڈول کے مطابق یکم سے تیسری جماعت کے طلباء کا تحریری ٹیسٹ اور جائزہ لینے کے بعد انہیں پروموٹ کیا جائے گا جبکہ چوتھی سے آٹھویں جماعت کے امتحانات یکم جون سے 15 جون تک ہونگے اور چوتھی سے آٹھویں جماعت کے امتحانی نتائج 15 جون کو ہی جاری کردیئے جائیں گے۔

سندھ میں نویں اور دسویں جماعت کے امتحانات 15 جون سے شروع ہونگے جبکہ دسویں جماعت کے امتحانی نتائج 15 اگست تک تمام بورڈز جاری کرنے کے پابند ہونگے اور محکمہ تعلیم سندھ نویں جماعت کے امتحانی نتائج کا اعلان 60 روز میں جاری کرے گی۔

شیڈول کے مطابق گیارہویں اور بارہویں جماعت کے امتحانات 6 جولائی سے شروع ہونگے اور بارہویں جماعت کے امتحانی نتائج 15 ستمبر کو جاری کئے جائیں گے جبکہ گیارویں جماعت کے نتائج 60 روز بعد جاری کیئے جائیں گے۔

محکمہ تعلیم سندھ نے تعلیمی سیشن -212020 کی داخلہ پالیسی بھی جاری کر دی ہے۔

پالیسی کے مطابق یکم سے نویں جماعت کے داخلے یکم جون سے 10 جون کے درمیان ہونگے اور جون میں گیارہویں جماعت کے داخلے نویں جماعت کے امتحانی نتائج کی بنیاد پر ہو نگے جبکہ دسویں جماعت کے امتحانی نتائج کا اعلان ہونے کے بعد ہی گیارہویں جماعت کے داخلوں کا اعلان کیا جائے گا۔