کراچی طیارہ حادثے میں قیمتی جانوں کے نقصان کے بعد تُرک سیریز ’ارطغرل غازی‘ کی ٹیم نے واقعے پر گہرے رنج و غم کا اظہار کیا ہے۔
شہرہ آفاق ڈرامے کا مرکزی ’ارطغرل‘ کا کردار ادا کرنے والے اداکار ’انجن التان‘ نے افسوسناک واقعے پر شدید دکھ کا اظہار کیا ہے۔
انہوں نے ویڈیو شیئرنگ ایپ انسٹاگرام پرکراچی طیارہ حادثے پر افسوس کا اظہار کرتے ہوئے اسٹوری شیئر کی جس میں اُنہوں نےلکھا کہ ’پی آئی اے طیارہ حادثے کی خبر سُن کر بہت زیادہ دُکھ ہوا ہے‘۔
انجن التان نےمزید لکھا کہ ’میں اُن تمام خاندانوں سے تعزیت کرنا چاہتا ہوں جنہوں نے اِس افسوسناک واقعے میں اپنے پیاروں کو کھویا ہے۔
ڈرامے میں حلیمہ کا کردار نبھانے والی اسرا بیلجیک نے بھی طیارہ حادثے سے متعلق ٹویٹ کرتے ہوئے لکھا کہ پاکستان میں افسوسناک واقعے پر شدید رنج ہے،حادثے میں جاں بحق ہونے والوں کے درجات کی بلندی اور ان کے اہلخانہ کیلئےصبر جمیل عطا کرنے کی دعا ہے۔‘
https://twitter.com/Esra___Bilgic/status/1263900120514527232?s=20
صرف یہی نہیں، بلکہ ارطغرل کے قریبی دوست ’بامسی‘ کا کردار اداکرنے والے ’نورالدین سونمیر‘ نے بھی اپنی انسـٹاگرام اسٹوری میں پاکستان میں افسوساک واقعے پر گہرے رنج کا اظہار کیا ہے۔
انہوں اپنی انسٹاگرام اسٹوری میں سبز ہلالی پرچم کی تصویر شیئر کرتے ہوئے واقعے پر پاکستانی بھائیوں سے اظہارِ یکجہتی کیا۔
’ارطغرل غازی‘میں دوآن کا کردار نبھانے والے ’یوٹ سیٹن گیونر‘ نے بھی انسٹاگرام اسٹوری میں پاکستانیوں کے لیے اپنا خاص پیغام جاری کرتے ہوئے طیارہ حادثے پرشدید غم کا اظہار کیا۔
مشہور ترک ڈرامے میں گوکچہ خاتون کا کردار ادا کرنے والی اداکارہ بورجو کیراتلی نےسوشل میڈیا پر اپنےپیغام میں حادثے کا شکار افراد کے لیے دُعا کی۔
https://twitter.com/BURCUKIRATLI23/status/1263829439647023104?s=20
واضح رہے کہ گزشتہ روز مسافروں کو لاہور سے کراچی لانے والا بدقسمت پی آئی اے کا طیارہ کراچی ایئر پورٹ پر لینڈنگ سے چند لمحے پہلے حادثے کا شکار ہوا، جس کے نتیجے میں 97 افراد جاں بحق ہوگئے۔
طیارہ حادثے میں عملے کے 7ارکان بھی شال تھے، افسوسناک واقعے میں بینک آف پنجاب کے صدر ظفر مسعوداور محمد زبیر حادثے میں معجزانہ طور پر محفوظ رہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News