پاکستان کے نامور اداکار عدنان صدیقی اور راحت علی جلد ایک ساتھ کام کرتے نظر آئیں گے۔
تفصیلات کے مطابق عالمی وبا کورونا وبا کے حوالے سے راحت اور عدنان ایک دعا میں ساتھ دکھائی دیں گے۔
عدنان صدیقی نے سماجی رابطے کی ویب سائٹ انسٹاگرام پر پوسٹ کیا کہ میرا اور راحت فتح علی خان صاحب کا مشترکہ پراجیکٹ جلد آرہا ہے۔
https://www.instagram.com/p/CC9EIWwH26U/?utm_source=ig_web_copy_link
اس حوالے سے اداکار نے بتایا گزشتہ 2 ماہ میرے لیے شدید پریشان کن رہے، کئی قریبی دوستوں کوکھودیا اور یہ وقت گزارنا اتنا آسان نہیں تھا، میں اس تکلیف کو سمجھ سکتا ہوں جس سے آپ سب گزرے کیونکہ میں نے بھی اسی تکلیف کاسامنا کیا۔
دوسری جانب عالمی شہرت یافتہ گلوکار راحت فتح علی خان کے ساتھ نئے پروجیکٹ کے حوالے سے عدنان نے لکھا ایسے وقت میں مجھے محسوس ہوا کہ اللہ ہم سے خوش اور راضی نہیں ہے۔‘
انہوں نے کہا کہ اس خیال نے مجھے کوویڈ 19 کے اور اس کے نتیجے میں جان سے ہاتھ دھو بیٹھنے والوں کی زندگیوں کے حوالے سے چند سطریں لکھنے پرمجبور کیا۔
عدنان صدیقی نے بتایا کہ وہ ہمیشہ اپنے لیے لکھتے ہیں لیکن اس مرتبہ انہوں نے مداحوں کیلئے لکھا جسے وہ جلد ریلیز کرنے کا ارادہ رکھتے ہیں۔
دلچسپ بات یہ کہ عدنان نے بتایا کہ اس پراجیکٹ کو راحت فتح علی خان نے نے بےحد پسند کیا اور یوں دونوں کا اشتراک ہوا۔
یاد رہے کہ اپنی پوسٹ کے اختتام میں اداکار نے کورونا سے جاں بحق ہونے والوں کیلئے دعائیہ کلمات بھی تحریر کئے
واضح رہے کہ اس دُعا کی ویڈیو جلد ہی ٹی وی چینلز اور ڈیجیٹل میڈیا پر جاری کی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News