بول انٹرٹیمنٹ کے مقبول ترین شو چیمپئینز کے میزبان وقار زکا  نا صرف ایک میڈیا پر سن ہیں بلکہ اس کے ساتھ ساتھ وہ ایک سوشل میڈیا ایکٹوسٹ بھی ہیں جو اپنی قابلیت کے بلبوتے پر معاشرتی مسائل ،پاکستان کی ترقی اور نو جوان مردوخواتین کےلئے اپنی آواز بلند کر تے نظر آتے ہیں۔

تفصیلات کے مطابق حالیہ کراچی کی طو فانی با رشوں سے جہاں ایک طرف پورےشہر کا انفرااسٹریکچر تبا ہ حالی کا شکار ہے وہی پوش علا قے ڈیفنس میں سب سے زیادہ نظام زندگی درہم بر ہم ہو ا ہے۔

ڈیفنس میں ان سیلابی با رشوں سے نظام زندگی مفلوج ہو کر رہ گیا ہے ، گھروں ،گلیوں اور سڑکو ں پر کئی فٹ پانی کئی دنو ں سے کھڑا ہے کہ شہری گھروں میں محصور ہو کر رہ گئے ہیں۔

اس مو قع پر وقار زکا نے اپنی اسٹار پاور کا استعمال کر تے ہوئے اپنی مدد آپ کے تحت نا صرف ڈیفنس  کے علاقے سے بارش کا کھڑا پانی نکلوانے کےلئے موٹریں منگوائی ہیں بلکہ خود پوری پوری رات  اس کا م کی نگرانی بھی کر رہے ہیں۔

وقار زکا نے اس موقع پر ایک ویڈیو کے ذریعے اپنی تمام انڈسٹری کے ساتھی اداکاروں سے گزارش کی  ہے کہ وہ سب بھی ان کی طرح اپنی اپنی اسٹار پاور کا استعمال کر یں اورمتا ثرہ علا قوں میں کا م کر واکر عوام اور حکومت کی مدد کریں ۔

واضح رہے کہ وقار زکاء نے اپنے ایک حالیہ بیان میں الیکشن کرنے کا بھی اعلان کیا اور کہا کہ  تبدیلی لانی ہے اور کراچی کے حالات بدلنے ہیں ، اس کے لئے تمہیں اور مجھے الیکشن لڑنا پڑے  گا۔

انھوں نے مزید  کہا کہ مجھے وہ لوگ چاہیے جو سمجھتے ہیں کہ وہ اپنے شہر کو چلا سکتے ہیں ، پورے سندھ سے مجھے نئے لوگ چاہیے لیکن شرط یہ ہے کہ جو لوگ میرے ساتھ لڑنا چاہتے ہیں ان کا تعلق کیسی پارٹی سے نہیں ہونا چاہیے۔