پاکستان کی معروف اداکارہ ماہرہ خان نے بتایا کہ انہیں بچپن سے کس مسائل کا سامنا کرنا پڑا ہے۔
اداکارہ ماہرہ خان نے انکشاف کیا ہے کہ انہیں بچپن سے ہی نیند سے متعلق مسائل کا سامنا کرنا پڑا ہے۔
ماہرہ خان نے سماجی رابطے کی ویب سائٹ انسٹاگرام پر آرٹ ورک پر مبنی ایک ویڈیو شئیر کی ہے۔
اداکارہ کی جانب سے پوسٹ کی جانے والی ویڈیو میں دیکھا جا سکتا ہے کوک اسٹوڈیو سیزن 4 میں شامل گانا ’نندیا رے‘ شئیر کیا ہے۔
https://www.instagram.com/p/CDhfsD5h6fV/?utm
ماہرہ نے یہ ویڈیو شیئر کرتے ہوئے اپنی نیند سے متعلق مداحوں کو آگاہ کیا کہ مجھے بچپن سے ہی نیند کے مسائل کا سامنا کرنا پڑا ہے۔
انہوں نے بتایا کہ مجھے میرے بڑوں نے اس متعلق یہی بتایا ہے۔
اداکارہ نے مزید بتایا کہ مجھے بس اتنا ہی یاد ہے کہ میں نے جب سے ہوش سنبھالا ہے تب سے ہی نیند کے انتظار میں رات بھر جاگتی رہتی تھی۔
ماہرہ خان نے مزید بتایا کہ رات کے آغاز سے ہی میں انتظار کیا کرتی تھی کہ اہل خانہ کے دیگر تمام افراد سوجائیں اور پھر میں آرام سے رات بھر جاگتی رہوں۔
دوسری جانب اداکارہ نے بتایا کہ میں ہمیشہ کھلی آنکھوں سے خواب دیکھا کرتی تھی اور یہ تصور کیا کرتی تھی خدا سب دیکھ رہا ہے۔
انہوں نے بتایا کہ وہ جاگتی آنکھوں سے ہی فلم میں اداکاری کرنا، اسکول میں کچھ جیتنا، جو شخص پسند تھا اس سے باتیں کرنا، اور اسی قسم کے دیگر منظرناموں کی تشکیل میں رات گزارتی تھیں۔
اداکارہ نے کہا زندگی میں جس چیز کی کمی وہ محسوس کرتی ہیں وہ بچپن میں ان کی والدہ کا لوری سنانا ہے جس سے انہیں فورا نیند آجاتی تھی۔
واضح رہے ماہرہ نے بتایا کہ میں یہ نہیں کہہ سکتی کہ اس بے خوابی کی عادت میں کوئی تبدیلی رونما ہوئی ہو لیکن ہاں منظر نامے قدرے بدل گئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News