آج عید کے دن ہر گھر میں قربانی کے گوشت میں سب سے پہلے کلیجی بنتی ہے ، کلیجی سے متعلق اگر سمجھ نہیں آ رہا کہ کیسے پکائی جائے تو سوچ سوچ کر ہلکان نہ ہوں، ہماری جانب سے مزے دار کلیجی کی ترکیب حاضرِ خدمت ہیں، اسے بنائیں اور اپنا دسترخوان سجائیں۔
اجزاء
کلیجی ڈیڑھ کلو
سرخ پسی مرچ ڈیڑھ ٹیبل سپون
ادرک لہسن پیسٹ ڈیڑھ ٹیبل سپون
ہلدی 1 چائے کا چمچ
نمک حسب ذائقہ
میتھی دانہ 1 چٹکی
ہری مرچ 5 عدد
سویا باریک کٹا ہوا ڈیڑھ گٹھی
ہرا دھنیا 1 گٹھی باریک کاٹ لیں
تیل ڈیڑھ کپ
بنانے کا آسان طریقہ
کلیجی کی بساند دور کرنے کے لیے کلیجی کو دھونے سے پہلے ایک پوتھی لہسن چھلکے سمیت کچل کر اچھی طرح لگاکر 20 منٹ کے لیے رکھ دیں۔
پھر ٹھنڈے پانی سے دھو لیں ایک دیگچی میں تیل ڈال کر گرم کریں پھر اس میں میتھی دانہ ڈال کر دو منٹ بعد پسی ہوئی پیاز ڈال کر فرائی کریں جب پیاز ہلکی گلابی ہو جائے تو ادرک لہسن ہلدی اور مرچ ڈال کر ہلکا سا بھون لیں پھر کلیجی سویا ہری مرچ اور گرم مصالحہ ڈال کر بھونیں اور 10 منٹ کے لئے دم پر رکھ دیں۔
سب سے آخر میں نمک ڈال کر اچھی طرح مکس کریں نمک شروع میں نہ ڈالیں اس سے کلیجی سخت ہو جاتی ہے ، نمک مکس کرنے کے بعد کسی ڈش میں نکال لیں پھر اوپر ہرا دھنیا چھڑک دیں مزیدار کلیجی تیار ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News