چئیرمین پیپلزپارٹی بلاول بھٹو کا کہنا ہے کہ نیب کو سابق صدرکےساتھ ایسا سلوک نہیں کرناچاہیےاپوزیشن کیسزبھگت رہی ہے تو ان سب کوبھی حساب دینا پڑے گا۔
میرپورخاص میں پریس کانفرنس کرتے ہوئے پاکستان پیپلز پارٹی (پی پی پی) کے چئیرمین بلاول بھٹو زرداری نے کہا کہ سابق صدر آصف علی زرداری کو نیب عدالتوں میں گھسیٹا جا رہا ہے۔ تمام مقدمات سیاسی اور مذاق سے زیادہ کچھ نہیں ہیں جبکہ حکومت اور اس کے اتحادی اپنے خلاف کیسز میں عدالتوں کا سامنا تک نہیں کر رہے۔
بلاول بھٹو کامزید کہنا تھا کہ سیلاب اوربارش سے بہت نقصان ہوا ہے، اس قومی سانحے میں ایک ہوناپڑے گا، ملک میں زراعت ایمرجنسی آج تک نافذ نہیں کی گئی، ہمیں غریب کسانوں کو ریلیف دینا پڑے گا۔
انہوں نے کہا کہ کراچی میں بارش رکی تو میرپور خاص میں بارش ہو رہی تھی بارشوں سے اندرون سندھ سب سے زیادہ نقصان ہوا ہے۔ نیشنل ڈیزاسٹر کے لیے سب کو ایک ہونا ہو گا۔ ایل بی او ڈی منصوبے کی وجہ سے نقصان ہوا ہے۔
انہوں نے کہا کہ کورونا وائرس کی وباء اور ٹڈی دل کے نقصان سے لوگ ابھی نکل نہیں پائے تھے کہ بارش کی تباہ کاری کا سامنا کرنا پڑ گیا۔
چیئرمین پی پی پی نے کہا کہ تاریخی بارش سے ہونے والے نقصان کے لیے غیر معمولی مدد کرنا ہوگی، زراعت کو نقصان ہوتا ہے تو پورے پاکستان کو نقصان ہوتا ہے۔
چیئرمین پیپلز پارٹی نے زراعت ایمرجنسی نافذکرکے کسانوں کو ریلیف دینے کا مطالبہ کرتے ہوئے کہا کہ موجودہ صورتحال میں کسانوں کو ریلیف دینا ہو گا اور کسانوں کو ہنگامی بنیادوں پرمدد کی ضرورت ہے۔
بلاول بھٹو زرداری نے کہا کہ وفاقی حکومت 5 گھنٹوں کا ٹرپ لگا کر واپس نہ جائے، بارش متاثرین کو لاوارث نہیں چھوڑ سکتے۔
آئی جی پنجاب کی تبدیلی سے متعلق سوال پر چیئرمین پیپلز پارٹی کا کہنا تھا کہ یہ وزیراعلیٰ پنجاب کا استحقاق ہے کہ وہ اپنی مرضی سے آئی جی کو تبدیل کرے لیکن اگر سندھ حکومت اپنا آئی جی تبدیل کرنا چاہے تو وفاق ہمیں کرنے نہیں دیتا۔
معاون خصوصی برائے اطلاعات کے استعفے سے متعلق سوال پر بلاول بھٹو زرداری کا کہنا تھا کہ معاون خصوصی نے بہت اچھا فیصلہ کیا لیکن وہ عمران خان خان جو کہتے تھے کہ اگر کسی پر الزام ہے تو وہ پہلے استعفیٰ دیں، آج استعفیٰ ماننے کو بھی تیار نہیں ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News