کچھ لوگ مجھ پر جادو کرارہے ہیں، میرا


ثمرا مظہرویب ایڈیٹر

22nd September, 2020
سوشل میڈیا

پاکستانی اداکارہ میرا جی نے ایک نیا انکشاف کر دیا۔ اپنی منفرد باتوں اور تنازعات کے باعث خبروں میں ہمہ وقت موجود رہنے والی اداکارہ ان کا کہنا ہے کہ میرے پیرو مرشد نے بتایا ہے کہ کچھ لوگ مجھ پر جادو کرارہے ہیں۔

میرا جی کا کہنا ہے کہ جو لوگ میرے خلاف ہیں وہ دشمنی میں میرے بارے میں غلط خبریں پھیلانے میں کبھی پیچھے نہیں رہے۔

میرا جی کا کہناتھا کہ جب سے ان کے شو کے دوران فائرنگ ہوئی ہے وہ خوف کا شکار ہیں اور گھر سے نکل نہیں پا رہیں۔

یاد رہے کہ گزشتہ دنوں فیصل آباد میں اداکارہ میرا کے اسٹیج ڈرامے کے دوران سبینہ تھیٹر کے باہر نامعلوم موٹر سائیکل سوار فائرنگ کر کے فرار ہو گئے تھے۔

فائرنگ کے وقت اداکارہ میرا بھی اسٹیج پر موجود تھیں۔

فائرنگ کے نتیجے میں گاڑیوں کے شیشے ٹوٹ گئے تھے اور علاقے میں خوف و ہراس پھیل گیا تھا۔