اسرائیلی دارالحکومت یروشلم میں ہزاروں افراد احتجاج کرتے ہوئے سڑکوں پر نکل آٗئے اور وزیراعظم بن یامین نیتن یاہو سے مستعفی ہونے کا مطالبہ کردیا۔
خبر ایجنسی کے مطابق ہفتے کی رات کو ہزاروں اسرائیلیوں نے وزیراعظم نیتن یاہو کی رہائش گاہ کے باہر احتجاجی مظاہرہ کیا اور ان کے خلاف شدید نعرے بازی کی۔
مظاہرین وزیراعظم نیتن یاہو کی بدعنوانیوں اور کورونا وائرس کی وبا سے نمٹنے میں ناقص حکمت عملی اختیار کرنے پر سڑکوں پر نکل آئے۔
انہوں نے نیتن یاہو کی رہائشگاہ کے سامنے رات گئے سیٹیاں بجائیں، جھنڈے لہرائے، شدید نعرے بازی کی اور ان سے استعفیٰ دینے کا مطالبہ کیا۔ اسی طرح چھوٹے چھوٹے احتجاج شہر بھر میں کیے گئے۔
رپورٹ کے مطابق گزشتہ رات 10 ہزار سے زائد اسرائیلی سڑکوں پر نکلے اور احتجاج کیا۔ تاہم اس موقع پر مظاہرین کو منتشر کرنے کیلئےپولیس نےحراست میں بھی لےلیا۔
یروشلم میں احتجاجی مظاہرے اسرائیل کے بحرین سے سفارتی تعلقات اسطوار کرنے فوراً بعد ہوئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News