جاپان ائیر لائنز کی جانب سے اب مسافروں کو لیڈیز ایند جینٹلمین کہہ کر مخاطب نہیں کیا جائے گا ۔
عالمی خبررساں ادارے کی رپورٹ میں کہا گیا ہے کہ جاپان ایئر لائنز کا کہنا ہے کہ وہ دنیا کی دیگر فضائی کمپنیوں کی طرح اب جنس کے فرق کو بالائے طاق رکھنے کے لیے مسافروں کو ’لیڈیز اینڈ جینٹلمین‘ نہیں کہے گی۔
خبررساں ادارے نے جاپان کے مقامی میڈیا کا حوالہ دیتے ہوئے بتایا کہ یکم اکتوبرسے جاپان کے ایئر پورٹس اور فلائٹس میں اعلانات کے لیے ’تمام مسافر متوجہ ہوں‘ اور ’سب کو صبح بخیر‘ کے جملے استمال کیے جائیں گے۔
دنیا کی متعدد ایئر لائنز نے اپنے ٹرانسجینڈر مسافروں کا خیال کرتے ہوئے یہ تبدیلی کی تھی۔ ایئرکینیڈااوریورپین ایئر لائن ایزی جیٹ نے گزشتہ برس کہا تھا کہ وہ مسافروں کو ’لیڈیز اینڈ جینٹلمین‘ نہیں کہے گی۔
جاپان ایئر لائنز کے ترجمان مارک موریموتو نے ایک ای میل کے ذریعے بتایا کہ ’ہم ایک ایسی فضائی کمپنی بننا چاہتے ہیں جو ایک مثبت ماحول مہیا کرے اور اپنے مسافروں کے ساتھ عزت کے ساتھ پیش آئے۔‘
’ہم نے طے کیا ہے کہ کسی کی جنس، عمر، قومیت، نسل، مذہب اور معذوری کی بنا پر تفریق نہیں کریں گے۔‘
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News