وطن کے محافظ دفاع وطن میں پیش پیش،شمالی وزیرستان میں سیکیورٹی فورسز کے ہاتھوں دودہشتگرد مارے گئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کے علاقے میر علی میں خفیہ اطلاع پر آپریشن کیا۔
ترجمان آئی ایس پی آر کا کہنا ہے کہ سیکیورٹی فورسز نے شمالی وزیرستان کے آپریشن میں 2 دہشتگرد ہلاک ہوگئے جبکہ دہشتگردوں کا تعلق علیم خان خوشحالی گروپ سے ہے۔
ترجمان آئی ایس پی آر کا مزید کہنا ہے کہ مارے گئےدہشت گرد وں نے میر علی میں کل ایک رہائشی ملک رئیس کوقتل کیا تھا جبکہ مختلف جرائم میں پولیس کو مطلوب تھے۔
واضح رہے اس سے قبل پاک فوج کے شعبہ تعلقات عامہ ( آئی ایس پی آر) کے مطابق شمالی وزیرستان میں سیکیورٹی فورسز کی جانب سے دہشت گردی کی بڑی کارروائی ناکام بنا دی تھی۔
آئی ایس پی آر کا کہنا تھا کہ سیکیورٹی فورسز کی جانب سے خفیہ معلومات کی بنیاد پر بویا میں آپریشن کیا گیا ہے جہاں پر بروقت کارروائی کے نتیجے میں دہشت گردوں کے خفیہ ٹھکانے پر آئی ای ڈی کے دو ماہر دہشت گرد مارے گئے ہیں جبکہ کارروائی کے دوران ایک دہشت گرد پکڑا بھی گیا ہے۔
دہشتگردوں کے حوالے سے آئی ایس پی آر کا کہنا تھا کہ یہ دہشتگرد مقامی لوگوں کے قتل، اغوا اور دیگر وارداتوں میں ملوث تھے جبکہ دہشتگرد سیکیورٹی فورسز پر 25 سے زائد حملوں میں طھی ملوث تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News