شارٹ ویڈیو شیئرنگ ایپ پر پاکستان میں پاکستان ٹیلی کمیونیکشن اتھارٹی نے پابندی عائد کر دی ہے۔

تفصیلات کے مطابق (پی ٹی اے) نے مختلف شعبہ جات کی جانب سے شارٹ ویڈیو شیئرنگ ایپ ’ٹاک ٹاک‘ پر غیراخلاقی اور نامناسب مواد کی شکایت کے بعد ٹک ٹاک پر پابندی عائد کردی۔

مزید پڑھیں

عمران عباس نے ٹک ٹاک پر پابندی کو کیا قرار دے دیا؟

پاکستان کے نامور اداکار عمران عباس نے ٹک ٹاک پر پابندی کو...

یاد رہے کہ شارٹ ویڈیو شیئرنگ ایپ پر پاکستان میں پابندی عائد ہونے کے بعد سے کسی نے اس فیصلے کو سراہا تو کسی نے اس پر خوب تنقید کی۔

غیر اخلاقی مواد

زیادہ تر لوگوں کے نزدیگ ٹک ٹاک پر یہ پابندی صرف غیراخلاقی مواد کی وجہ سے لگائی گئی لیکن ایسا نہیں ہے۔

 پہلی وجہ جو پی ٹی اے نے بھی بتائی کہ اس پر غیراخلاقی مواد شیئر ہورہا تھا۔

پاکستانی ہدایات کو نظرانداز کرنا

پی ٹی اے نے عوامی شکایات کے بعد ابتدائی طور پر ’ٹک ٹاک‘ انتظامیہ کو خبردار کیا اور انہیں نامناسب مواد کو سینسر کرنے سمیت چند اہم ہدایات دیں جس پر عمل نہ ہونے کی صورت میں اس ایپ پر پابندی عائد کی گئی۔

وقت کا ضیاع

نوجوان نسل کو ٹک ٹاک کی لت لگ گئی تھی اور وہ تعلیمی اور کھیلوں کی سرگرمیوں کو چھوڑکر گھنٹوں ٹک ٹاک استعمال کرنے میں گزار دیتے تھے جو نہ صرف وقت کا ضیاع ہے بلکہ یہ ایپ نوجوانوں کو تخلیقی عمل سے بھی روک رہی تھی۔

 اموات میں اضافہ

ٹک ٹاک کی وجہ سے اموات میں اضافہ دیکھنے میں آیا ہے، اکثر نوجوان سڑک پر، چلتی گاڑی یا تیزرفتار ٹرین کے سامنے لائیو ویڈیو بنانے کے چکر میں حادثات کا شکار ہوچکے ہیں۔

دماغی بیماریاں اور سماجی مسائل

ٹک ٹاک پر پابندی کی آخری وجہ دماغی بیماریاں اور سماجی مسائل بھی ہیں، بیشتر ماہرنفسیات کا ماننا ہے کہ ٹک ٹاک کی وجہ سے نوجوان مختلف دماغی بیماریوں میں مبتلا ہوسکتے ہیں جن میں کھانے میں بے ترتیبی، خود کو نقصان پہنچانا وغیرہ شامل ہیں۔