2022 پنجاب میں ٹریفک حادثات کے لحاظ سے بدترین رہا
سال 2022 پنجاب میں ٹریفک حادثات کے لحاظ سے بھی بدترین رہا۔...
سابقہ گلوکارہ رابی پیرزادہ نے بتایا کہ وہ جلد ہی مصوری میں بین الاقوامی سطح پر پاکستان کی نمائندگی کرنے والی ہیں۔
تفصیلات کے مطابق رابی پیرزادہ نے سماجی رابطے کی ویب سائٹ ٹوئٹر پر اپنی نئی پینٹنگ کی تصویریں شیئر کی ہیں۔
رابی پیرزادہ کی جانب سے پوسٹ ہونے والی تصویر میں ان کے ہاتھ میں برشز تھامے دیکھا جاسکتا ہے۔
پینٹنگ میں ایک طرف ہتھنی اور اس کے بچے کو دِکھایا گیا ہے جبکہ دوسری طرف ایک خاتون کو اُس کی بیٹی کے ساتھ بخوبی انداز میں دِکھایا گیا ہے۔
رابی پیرزادہ نے پینٹنگ مکمل ہونے پر اللّہ تعالیٰ کا شکر ادا کرتے ہوئے کہا کہ ’الحمداللّہ ایک اور پینٹنگ مکمل، اب جلد ہی انٹرنیشنل پلیٹ فارم پر پاکستان کو متعارف کراؤں گی۔‘
اُنہوں نے کہا کہ’آئیے اس دنیا کو دکھائیں کہ پاکستانی فنکار کتنے باصلاحیت ہیں۔‘
یاد رہے کہ گزشتہ سال رابی پیرزادہ نے شوبز انڈسٹری سے کنارہ کشی اختیار کر لی تھی۔
ٹوئٹر پر شیئر کی نئی پینٹنگ ماں اور اولاد کے خوبصورت رشتے کی عکاسی کی گئی ہے۔
رابی پیرزادہ نے مزید کہا کہ’میں ان شاءاللّہ جلد ہی انٹرنیشنل نمائش میں فن کے شعبے میں پاکستان کی نمائندگی کروں گی۔‘
علاوہ ازیں اپنی پینٹنگ کی مناسبت سے حضرت رابعہ بصریؒ کا قول بھی شیئر کیا۔
رابی پیرزادہ نے قول کچھ یوں لکھا:
جب میں دنیا کے ہنگاموں سے تھک جاتی ہوں، اپنے اندر کے شور سے ڈر جاتی ہوں تو پھر میں اللّہ کے آگے جھک جاتی ہوں یا پھر اپنی ماں کی گود میں سر رکھ کے جی بھر کے رو لیتی ہوں
رابی پیرزادہ نے کہا کہ ’میں ماں کے پیار کو ایک آرٹ میں بیان کرنے کی کوشش کی ہے اور میری دُعا ہے کہ اللّہ سب کی ماؤں کو سلامت رکھے۔‘
واضح رہے کہ رابی پیرزادہ نے شوبز چھوڑنے کے بعد مصوری کو اپنا ذریعۂ معاش بنالیا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News