ایک نئی تحقیق میں عالمی وبا کورونا وائرس سے صحتیاب مریضوں سے متعلق انکشاف کیا گیا ہے کہ وائرس سے صحت یابی کے بعد مریضوں کا مدافعتی نظام وائرس سے دوبارہ لڑنے کے لیے پہلے سے زیادہ مؤثر ہوجاتا ہے

غیرملکی خبررساں ادارے کی رپورٹ کے مطابق امریکی راک فیلر یونیورسٹی میں ہوئی اس تحقیق میں کہا گیا کہ کورونا سے صحت یاب ہونے والے مریض کا دوبارہ مہلک وائرس سے مقابلہ ہو تو مدافعتی نظام زیادہ تیز اور موثر دفاعی حرکت میں آسکتا ہے کیوں مدافعی نظام میں حفاظتی اینٹی باڈیز کا معیار بہتر ہوجاتا ہے۔

رپورٹ کے مطابق تحقیق میں انکشاف ہوا کہ جسم کا مدافعتی نظام نہ صرف نوول کورونا وائرس کو یاد رکھتا ہے بلکہ بیماری سے صحتیابی کے بعد اس کا سامنا کرنے کے لیے حفاظتی اینٹی باڈیز کے معیار بہتر بناتا ہے۔

ماہرین کے مطابق صحت یاب مریض ممکنہ طور پر وائرس سے برسوں تک محفوظ رہ سکتے ہیں ، یہی وجہ ہے کہ دنیا بھر میں کورونا کے دوبارہ حملے کے کیسز کافی کم ہیں۔

واضح رہےکہ ایک اور تحقیق میں عالمی وبا کورونا وائرس سے متعلق یہ بھی انکشاف کیا گیا ہے کہ نیا کورونا وائرس انسانی جلد پر 9 گھنٹوں تک زندہ رہ سکتا ہے۔

مزید پڑھیں

عالمی وبا سے متعلق نئی تحقیق اور انکشاف

ایک نئی تحقیق میں عالمی وبا کورونا وائرس سے متعلق انکشاف کیا...

 اس تحقیق کے بعد جاری کی گئی رپورٹ میں ہاتھوں کی صفائی اور ماسک کے استعمال کی اہمیت پر زور دیا گیا ۔

ماہرین کا اس سلسلے میں کہنا ہے کہ اگر بار بار ہاتھ نہ دھوئے جائیں تو نیا کورونا وائرس ہاتھوں پر کم سے کم 9 گھنٹوں تک زندہ رہ سکتا ہے جس کے نتیجے میں اس کے پھیلنے کے خدشات موجود ہیں۔

 تحقیق میں مزید کہا گیا ہے کہ انفلوئنزا وائرس انسانی جلد پر دو گھنٹے جبکہ کورونا وائرس انسانی جلد پر نو گھنٹوں تک زندہ رہتا ہے مگر ان دونوں وائرس کو صرف 15 سیکنڈ میں 80 فیصد الکوحل پر مشتمل ہینڈ سینیٹائزر کا استعمال کر کے ختم کیا جا سکتا ہے۔