ریاض، جی ٹوئنٹی ممالک کا سربراہی اجلاس آج ہو گا

ثمرا مظہر

21st Nov, 2020. 09:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ریاض، جی ٹوئنٹی ممالک کا سربراہی اجلاس آج ہو گا

جی ٹوئنٹی ممالک کا سربراہی اجلاس سعودی عرب کی قیادت میں آج سے ریاض میں ہو رہا ہے۔

خبر رساں ایجنسی کے مطابق سعودی عرب میں 2 روزہ جی ٹوئنٹی ورچوئل سربراہ کانفرنس 21 نومبر سے شروع ہو رہی ہے اور یہ اس گروپ کی پندرہویں سالانہ کانفرنس ہے۔

اجلاس میں عالمی تنظیمیں اور اداروں کے حکام بھی شرکت کریں گے جبکہ اجلاس میں عالمی ادارہ خوراک و زراعت، مالیاتی استحکام کونسل کے حکام شرکت کریں گے، اس کے علاوہ جی ٹوئنٹی ممالک کے اجلاس میں عالمی ادارہ صحت، عالمی ادارہ محنت کے حکام شریک ہوں گے۔

جی ٹوئنٹی ورچوئل سربراہ کانفرنس میں شاہ شلمان بن عبدالعزیز صدارت کریں گے۔ کانفرنس میں عالمی معیشت کو متاثر کرنے والے مسائل پر بات چیت ہو گی۔

اجلاس میں اقوام متحدہ،عالمی بینک گروپ اور عالمی تجارت تنظیم کے علاوہ دیگر اداروں کے حکام شرکت کریں گے، اجلاس میں عرب مالیاتی فنڈ، اسلامی ترقیاتی بینک، افریقی یونین اور جی سی سی حکام بھی شریک ہوں گے۔

خیال رہے کہ جی ٹوئنٹی کے وزرائے خزانہ نے سال رواں کے دوران اپنی ملاقات میں غریب ترین ملکوں پر کورونا وبا کے اثرات کم کرنے کے لیے اپنی نوعیت کا پہلا لائحہ عمل طے کیا تھا۔