سابق وزیراعظم شہید بے نظیر بھٹو اور سابق صدر آصف علی زرداری کی صاحبزادی بختاور بھٹو زرداری نے اپنی اپنی مہندی، نکاح اور ولیمے کی تقاریب کے لئے ڈریس ڈیزائن کرالئے ہیں۔

 تفصیلات کے مطابق بےنظیربھٹو شہیدکی بڑی صاحبزادی بختاوربھٹو کی شادی کی تیاریاں جاری ہے۔

مزید پڑھیں

بختاوربھٹو کی آصف ذرداری کے ہمراہ منگنی کی ویڈیو وائرل ہو گئی

سابق وزیراعظم شہید بے نظیر بھٹو اور سابق صدر آصف علی زرداری...

یاد رہے کہ بے نظیربھٹو شہید کی بڑی صاحبزادی بختاوربھٹو کی شادی کے سلسلے میں تقاریب کا آغاز 24 جنوری سے ہوگا۔

بلاول ہاؤس میں 24جنوری کو میلاد منعقد کی جائے گی اور آئندہ ہفتے سے بلاول ہاؤس میں سیاسی سرگرمیاں روک دی جائیں گی۔

سابق صدر مملکت آصف علی زرداری اور سابق وزیراعظم بے نظیر بھٹو کی صاحبزادی بختاور بھٹو کی مہندی کی تقریب 27جنوری کوہوگی جبکہ نکاح 29 جنوری کو ہوگا۔

خیال رہےکہ کورونا کے باعث شادی کی تقاریب میں محدود تعداد میں مہمانوں کو مدعو کیا جارہا ہے۔

یاد رہے بختاور زرداری کی منگنی 27 نومبر کو بلاول ہاؤس کراچی میں منعقد ہوئی تھی۔

 ان کے منگیتر محمود چوہدری پنجاب کے ایک کاروباری خاندان سے تعلق رکھتے ہیں۔

منگنی کی تقریب میں پیپلز پارٹی کے چیئرمین بلاول بھٹو زرداری کوویڈ 19 کا شکار ہونے اور قرنطینہ میں ہونے کے باعث شریک نہ ہوسکے تاہم وہ ویڈیو کال کے ذریعے تقریب میں موجود رہے۔

دوسری جانب بختاور بھٹو نے سما جی رابطے کی ویب سائٹ انسٹا گرام پر اپنی منگنی کے یادگار ترین دن کی ایک ویڈیو شئیر کی تھی جس میں وہ اپنے والد آصف ذرداری کے ساتھ موجود ہیں اور وہ اپنی صاحبزادی کا ہاتھ تھام کر تقریب میں لا رہے ہیں۔

واضح رہے کہ ویڈیو میں با آسانی دیکھا جا سکتا ہے کہ بختاور بھٹوکی چھوٹی بہن آصفہ اور منگیتر محمود چوہدری بھی ان کے ساتھ ہیں،  اور پوری فیملی اس موقع پر بے حد خوش نظرآرہی ہے ۔