وزیرِ اعظم نے برآمدات کو بڑھانے کیلئے درکار تمام اقدامات کو ترجیحی بنیادوں پر اٹھانے کی ہدایت کردی۔
تفصیلات کے مطابق وزیرِ اعظم عمران خان نے ترجیحی شعبوں کے تحت اکنامک آؤٹ ریچ کے اجلاس کی بھی صدارت کی جس میں وزیرِاعظم کو برآمدات کی صلاحیت بڑھانے کیلئے اٹھائے اقدامات سے آگاہ کیا گیا۔
وزیراعظم کو بریفنگ کے دوران کہا گیا کہ اہداف کی نشاندہی سے لے کر ان کی تکمیل میں درکار وقت پر کام مکمل ہے جبکہ برآمدات میں حائل رکاوٹوں کو ہٹانے کیلئے خصوصی شعبوں پر ترجیحی بنیادوں پر کام کیا جائے گا۔
وزیرِ اعظم نے برآمدات کو بڑھانے کیلئے درکار تمام اقدامات کو ترجیحی بنیادوں پر اٹھانے کی ہدایت دی جبکہ ایک جامع ایکشن پلان مرتب کرکے اس پر عمل کرنے کی بھی ہدایت دی۔
اجلاس کی صدارت کرتے ہوئے وزیرِ اعظم عمران خان نے بڑے پیمانے پر زرمبادلہ کی صلاحیت کی حامل برآمدات کے حوالے سے استعداد بڑھانے پر زور دیا۔
اجلاس میں عبدالرزاق داؤد، معاونِ خصوصی معید یوسف اور متعلقہ اعلیٰ افسران نے شرکت کی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News