وزیراعظم عمران خان نے کہا ہے کہ براڈ شیٹ معاملہ کی مکمل تحقیقات قوم کے سامنے لائیں گے۔
تفصیلات کے مطابق وزیراعظم عمران خان کی سربراہی میں حکومتی ترجمانوں اورپارٹی رہنماؤں کا اجلاس ہوا جس میں اجلاس میں ترجمانوں نے بجلی کی قیمتوں میں اضافے اور براڈ شیٹ کے حوالے سے وزیراعظم کو بریفنگ دی۔
اجلاس میں رکن قومی اسمبلی فرخ حبیب نے ممنوعہ فنڈنگ کیسز پر اجلاس کو بریفنگ دیتے ہوئے کہا کہ الیکشن کمیشن نے اب باقی جماعتوں کو بلا لیا ہے۔
بریفنگ کے دوران کہا گیا کہ ماضی کےحکمرانوں کے معاہدے مہنگے پلانٹس کی وجہ سے بجلی مہنگی ہورہی ہے جبکہ توانائی کے شعبے میں اصلاحات لائی جارہی ہیں۔
بریفنگ کے دوران کہا گیا کہ گزشتہ دورمیں ضرورت سےزائداورمہنگی بجلی بنائی گئی جبکہ42 فیصد مہنگی بجلی بنانے کا خمیازہ عوام کو بھگتنا پڑ رہا ہے۔
بریفنگ کے دوران مزید کہا گیا کہ موجودہ حکومت نے آئی پی پیز سے بات چیت کرکے قوم کے اربوں روپے بچائے جبکہ پی پی ن لیگ نے آئی پی پیز ایل این جی کے مہنگے معاہدے کئے۔
اجلاس کی صدارت کرتے ہوئے وزیراعظم عمران خان نے فارن فنڈنگ پر اپوزیشن کو ٹف ٹائم دینے کی ہدایت کردی۔
وزیراعظم نے کہا کہ فارن فنڈنگ کیسز پر فرنٹ فٹ پر کھیلیں، اپوزیشن کی بڑی جماعتیں غیر ملکی فنڈنگ لیتی رہی ہیں لیکن ہماری جماعت نے کوئی فارن فنڈنگ نہیں لی۔
عمران خان نے یہ بھی کہا کہ تحریک انصاف ہرفورم پراپناکیس پیش کرچکی ہے، فارن فنڈنگ کیس میں اپوزیشن کی حقیقت سب کےسامنےآئےگی۔
اس موقع پر وزراء کی کمیٹی نےبراڈشیٹ معاملےپربریفنگ دی جس پر وزیر اعظم نے کہا کہ براڈشیٹ کیس نےسابق حکمرانوں کوبےنقاب کردیا۔
وزیراعظم نے کہا کہ سابق این آراو 20 ملین ڈالرکےنقصان کاسبب بنا جبکہ یہ لوگ اپنی دولت بچانےکیلئےاین آراومانگ رہے ہیں۔
عمران خان نے یہ بھی کہا کہ براڈشیٹ کیس کی روشنی میں تحقیقات کرا رہے ہیں، حکومت اور ادارے ان کےدباؤ میں نہیں آئیں گے، قوم کی لوٹی دولت واپس لائی جائےگی۔
وزیراعظم عمران خان نے مزید کہا کہ براڈ شیٹ سے سے زیادہ ماضی کے حکمرانوں نے فائدہ اٹھایا، براڈ شیٹ پر کمیٹی بنا دی ہے وہ تحقیقات کریگی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News