مسلم لیگ (ن) کی ترجمان مریم اورنگزیب نے کہا ہے کہ حکومت براڈ شیٹ میں پکڑے جانے والے چوروں، کمیشن خوروں کو سزا دینے میں سنجیدہ نہیں، ن لیگ شیخ عظمت سعید کی تقرری کو مسترد کرتی ہے، وہ غیرجانبدار نہیں رہے۔
تفصیلات کے مطابق مریم اورنگزیب نے میڈیا کو بیان دیتے ہوئے کہا کہ یہ ’وَن مین کمشن“ ہی بنانا ہے تو عمران صاحب، شہزاد اکبر اور کرائے کے ترجمان بھی اس میں شامل کرلیں، نوٹیفیکیشن میں جن برسوں کا ذکر ہے، ان میں عظمت سعید نیب کے ڈپٹی پراسیکیوٹر جنرل تھے۔
انہوں نے کہا کہ نوٹیفکیشن ثبوت ہے کہ حکومت براڈ شیٹ میں پکڑے جانے والے چوروں، کمیشن خوروں کو سزا دینے میں سنجیدہ نہیں، حکومتی اقدام آئین، قانون، شفافیت اور انصاف کا قتل ہے۔
مریم اورنگزیب کا کہناتھا کہ کمیشن، شئیر اور کٹ مانگنے والوں کو بچانے کی کوشش ہے، عمران صاحب اخیتار کا ناجائز استعمال کرکے براڈ شیٹ میں اپنے لئے این آر او لینے کی راہ ہموار کررہے ہیں۔
ترجمان ن لیگ نے مزید کہا کہ براڈ شیٹ کوجب کنٹریکٹ دیاگیا، قومی خزانے کو نقصان پہنچایا گیا تو شیخ عظمت سعید ڈپٹی پراسکیوٹر جنرل نیب تھے، جس مدت، فیصلے اور ملزم نیب کے خلاف تحقیقات ہونی ہے، شیخ عظمت سعید اس وقت اس کا حصہ تھے تو غیرجانبدار کیسے ہوسکتے ہیں؟
مریم اورنگزیب نے مزید کہا کہ سوال یہ ہے کہ حکومت شیخ عظمت سعید کو ہی لانے پر کیوں مصر ہے؟ توجہ اور مقصد تو غیرجانبدارانہ تحقیقات ہونا چاہئے؟ جس شخصیت پر سوالات ہیں، اسی کی تقرری پر حکومتی ضد اس کی بدنیتی کو ظاہر کرتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News