پاوری گرل دنانیر کے چرچے صرف پاکستان ہی نہیں بلکہ دنیا بھر میں پھیل چکے ہیں بالی وُڈ دنیا میں بھی ان ہی کے انداز میں چند اداکاروں کی ویڈیو وائرل ہوئی ہے۔

پاوری گرل کے منفرد انداز کو دنیا بھر میں اپنایا جارہا ہے اور اس طرز پر دلچسپ ویڈیو بنانے کا سلسلہ بھی جاری ہے۔

پاوری گرل کو میک اپ میں تو سب ہی پہچانتے ہیں تاہم کیا آپ جانتے ہیں کے جازب نظر دنانیر مبین میک اپ کے بغیر کیسی لگتی ہیں؟

دنانیر مبین کی چند تصاویر منظرعام پر آئی ہیں جو کہ صارفین کی خاص توجہ کا مرکز بنی ہیں۔

دنانیر مبین کے آفیشل انسٹاگرام اکاؤنٹ پر ایک انتہائی قلیل عرصے میں ایک ملین یعنی 10 لاکھ صارفین نے فالو کرلیا ہے۔

واضح رہے دنانیر کی ’پاوری ہورہی ہے‘ ویڈیو وائرل ہونے سے قبل اُن کے انسٹاگرام فالوورز کی تعداد انتہائی کم تھی۔

تاہم چند دنوں کے اندر ہی اُن کے فالوورز کی تعداد دس لاکھ تک پہنچ گئی ہے۔

دوسری جانب دنانیر نے اپنے انسٹاگرام اکاؤنٹ سے ایک ہزار سے زائد صارفین کو فالو کیا ہوا ہے۔

گزشتہ دنوں سوشل میڈیا پر ایک مختصر ویڈیو وائرل ہوئی تھی جس میں دنانیر نامی نوجوان لڑکی پاکستان کے شمالی علاقے نتھیا گلی میں اپنے دوستوں کے ساتھ موجود تھی اور وہاں اُس نے صرف یہ تین جملے کہے تھے:

یہ ہماری کار ہے، یہ ہم ہیں اور یہاں پاوری ہورہی ہے

دنانیر کا یہ انداز سوشل میڈیا صارفین کو اس قدر بھایا کہ رات و رات اس پر سینکڑوں ویڈیوز بنا ڈالیں۔