ترجمان سندھ حکومت بیرسٹر مرتضٰی وہاب نے کہا ہے کہ شبلی فراز کم از کم اپنی یو ٹرن حکومت کو معصوم ثابت نہ کریں۔
تفصیلات کے مطابق ترجمان سندھ حکومت بیرسٹر مرتضٰی وہاب نے وفاقی وزیر اطلاعات شبلی فراز کی پریس کانفرنس پر رد عمل دیتے ہوئے کہا کہ شبلی فراز “سلیکٹڈ” کا دفاع کرنے میں اپنی کارکردگی کی استعداد ظاہر کررہے ہیں۔
ترجمان سندھ حکومت نے کہا کہ نااہل وفاقی حکومت کا دفاع پریس کانفرنسز سے کیا جارہا ہے لیکن سلیکٹڈ حکومت کے نکمے پن کو پریس کانفرنسز سے چھپایا نہیں جاسکتا۔
مرتضٰی وہاب نے یہ بھی کہا کہ عوام مہنگائی سے سسک سسک کر مر رہی ہے لیکن حکومت صرف پریس کانفرنسز کرنے میں مصروف ہے۔
ترجمان سندھ حکومت بیرسٹر مرتضٰی وہاب نے مزید کہا کہ شبلی فراز نااہل حکومت کا دفاع کرتے ہیں، نکمی حکومت میں ترجمانوں کی فوج صرف قصیدہ خوانی میں مصروف عمل ہے جبکہ تحریک انصاف میں ترجمانوں کا کام صرف مخالفین پر الزام تراشیاں کرنا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News