فلم سیریز فاسٹ اینڈ فیوریس 9 کے شائقین کے لیے بری خبر


اریبہ نثارویب ایڈیٹر

05th March, 2021
Square ad 300 x 250

ہالی وڈ کی کامیاب فلم سیریز فاسٹ اینڈ فیوریس 9 کی ریلیز ایک مرتبہ پھر کھٹائی میں پڑ گئی۔

معروف امریکی فلم پروڈکشن کی جانب سے اعلان کیا گیا ہے کہ فلم فاسٹ اینڈ فیوریس کی ریلیز ایک ماہ کے لیے ملتوی کر دی گئی ہے۔

اینڈ ڈسٹری بیوشن کمپنی یونیورسل پکچرز کا کہنا ہےکہ فلم فاسٹ اینڈ فیوریس 9 رواں سال 25 جون کو سنیما گھروں میں نمائش کے لیے پیش کی جائے گی۔

اس حوالے سے کمپنی کی جانب سے کہا گیا ہےکہ ہم ابھی یہ جانچنے کی کوشش کر رہے  ہیں کہ کب بڑی تعداد میں فلمی شائقین سنیما گھروں کا رخ کریں گے۔

فلم اسٹوڈیوز اپنی بھاری بجٹ کی فلمیں اس وقت تک ریلیز نہیں کرنا چاہتے جب تک وہ بڑی تعداد میں شائقین کو اپنی طرف متوجہ نہ کر سکیں تاکہ وہ پروڈکشن اور مارکیٹنگ کے اخراجات پورے کر سکیں۔

امریکی پروڈکشن کمپنی کے اس فیصلے سے یہ اشارہ ملتا ہے کہ انہیں یقین ہے کہ موسم سرما تک کورونا وائرس کی ویکسین امریکا اور کینیڈا میں وسیع پیمانے پر دستیاب ہو جائے گی۔