معاون خصوصی برائے سیاسی ابلاغ ڈاکٹر شہباز گِل نے کہا کہ سیاسی نوسرباز مولانا آج ہاتھ ملتے دکھائی دیئے ہیں۔
تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے پی ڈی ایم کے سربراہ مولانا فضل الرحمان کے بیان پر ردعمل دیتے ہوئے کہا کہ محنت سے بنایا گیا کرپشن اتحاد ہوا میں تنکوں کی طرح بکھر گیا ہے۔
ڈاکٹر شہباز گِل نے کہا کہ استعفوں کا ڈھونگ رچانے والوں کے منہ پر بلاآخر استعفے مار دیئے گئے ہیں۔
انہوں نے کہا کہ قابلِ ترس مولانا نے پہلے منتیں کر کے اتحاد بنایا اب رجوع کے لئے پاؤں پڑ رہے ہیں۔
ڈاکٹر شہباز گِل نے یہ بھی کہا کہ کرسی کی خاطر مولانا نے میاں نواز اور زرداری کو باپ بنایا ہے۔
ڈاکٹر شہباز گِل کا کہنا تھا کہ یہ اتحاد کرپٹ افراد کی کرپشن بچانے کی آخری کوشش تھی۔
ڈاکٹر شہباز گِل نے مزید کہا کہ کرپشن کر کے ملک لوٹنے والوں کا وقار و عزت کے ساتھ کوئی لینا دینا نہیں ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News