کیمبرج کے طلبہ کا کراچی پریس کلب پر احتجاج جاری ہے، کیمبرج طلبہ نے احتجاج میں حکومت سے مطالبہ کیا ہے کہ ملک بھر میں کیمبرج کے امتحانات منسوخ کئے جائیں۔
طلبہ نے احتجاج کے دوران کیمبرج انٹرنیشنل کے طلبہ کو انصاف دو اور شفقت انکل رحم کریں کے نعرے بھی لگائے۔
احتجاج میں طلبہ کا کہنا ہے کہ عالمی وباء کورونا وائرس کی تیسری لہر کے پیش نظر طلبہ کی صحت کو مد نظر رکھا جائے، برطانیہ سمیت دیگر ممالک نے کیمبرج کے امتحانات منسوخ کر دیئے ہیں اس لیے پاکستان میں بھی منسوخ کیے جائیں۔
یاد رہے کہ کیمبرج انٹرنیشنل کے چیف ایگزیکٹو کریسٹین نے امتحانات 10 مئی سے شروع کرانے کے لئے وفاقی وزیر تعلیم شفقت محمود کو 26 مارچ کو خط بھی لکھا تھا جس پر وفاقی حکومت نے کیمبرج اور آئی جی سی ایس ای کے امتحانات ملک بھر میں 10 مئی سے منعقد کرانے کی اجازت دے رکھی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News