وزیراعظم عمران خان اور ازبکستان کے صدر کے درمیان ورچوئل رابطہ ہوا جس میں پاکستان اور افغانستان کے درمیان باہمی دلچسپی، علاقائی اور عالمی امور پر تبادلہ خیال کیا گیا ہے۔
وزیراعظم ہاؤس سے جاری اعلامیہ کے مطابق دونوں رہنماؤں نے اپنی گفتگو میں پاک ازبکستان تعلقات، مذہبی، تاریخی اور ثقافتی تعلقات پر روشنی ڈالی اور اعلیٰ سطح روابط کی رفتار برقرار رکھنے کے عزم کا اعادہ کیا۔
اس موقع پر وزیراعظم عمران خان نے ٹرانزٹ ٹریڈ ایگریمنٹ کی جلد تکمیل یقینی بنانے پر زور دیا جبکہ وزیراعظم نے سیکیورٹی و دفاعی تعاون میں اضافے اور تعلیم، ثقافت،سیاحت کے شعبوں میں باہمی تعاون کے فروغ پر بھی بات کی۔
وزیر اعظم عمران خان نے ریل، سڑک، فضائی رابطوں کی اہمیت پر روشنی ڈالتے ہوئے کہا کہ وسطی ایشیا جیو اکنامک نقطہ نظر میں خاص توجہ کا حامل علاقہ ہے۔
وزیراعظم عمران خان نے ازبک صدر کو مقبوضہ کشمیر کی صورتحال سے بھی آگاہ کرتے ہوئے جنوبی ایشیا میں امن و سلامتی کے امور پر پاکستان کا نقطہ نظر بیان کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News