پاکستان مسلم لیگ (ن) کے صدر اور قائد حزب اختلاف شہباز شریف سے پی ڈی ایم کے سربراہ مولانا فضل الرحمان نے ٹیلیفونک رابطہ کیا ہے۔
تفصیلات کے مطابق پی ڈی ایم کے سربراہ مولانا فضل الرحمان نے پاکستان مسلم لیگ (ن) کے صدر اور قائد حزب اختلاف شہبازشریف کو رہائی پرمبارک دی ہے اور نیک تمناؤں کا اظہار بھی کیا ہے۔
شہبازشریف نے مولانا فضل الرحمان کا شکریہ ادا کیا اور ان کی مزاج پرسی کی ہے۔
گفتگو کے دوران دونوں رہنماؤں نے ملک کی مجموعی صورتحال اور پی ڈی ایم کے ایجنڈے سے متعلق امور پر تبادلہ خیال کیا ہے۔
مولانا فضل الرحمان نے پی ڈی ایم کا اجلاس بلانے کے حوالے سے شہبازشریف کو اعتماد میں لیا ہے۔
اس موقع پر دونوں رہنماؤں نے کورونا وباء کی شدت، ملک میں آکسیجن میں کمی اور اموات کی شرح میں اضافے پر تشویش کا اظہار کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News