پاکستان شوبز انڈسٹری کی معروف اداکارہ سونیا حسین نے اہم انکشاف کر دیا ہے۔
اداکارہ سونیا حسین نے بتایا کہ میری والدہ نے پاکستان کے قومی کرکٹر شعیب ملک کو شادی کے لیے پسند کر لیا تھا۔
حال ہی میں سونیا حسین اور شعیب ملک نے ایک ساتھ شو میں شرکت کی اور اس شو کے دوران ہی شعیب ملک نےشو کے میزبان اور اداکار احسن خان کو بتایا کہ وہ سونیا خان کی پوری فیملی کو جانتے ہیں۔
کرکٹر شعیب ملک نے اداکارہ سونیا حسین کے بارے میں بتایا کہ وہ اداکارہ کے پورے خاندان سے بھی ملے ہوئے ہیں اور ایک بار کھانے پر بھی اداکارہ کے گھر جا چکے ہیں۔
انہوں نے بتایا کہ اداکارہ سونیا حسین کے والدین بہت اچھے ہیں۔
دوسری جانب اداکارہ سونیا حسین نے شو میں بتایا کہ اُن کے والدین شعیب ملک کے بہت بڑے فین ہیں اور شعیب ملک کو بہت پسند کرتے ہیں۔
دورانِ شو میزبان احسن خان نے اداکارہ سے کہا کہ خود سے متعلق ایک ایسا راز بتائے جو آپ کے علاوہ کوئی نہیں جانتا ہو۔
میزبان کی جانب سے کیے جانے والے سوال پر اداکارہ نے بتایا کہ جب شعیب ملک اُن کے گھر کھانے پر آئے تھے تو اُن کی والدہ اس بات سے بے خبر تھیں کہ شعیب ملک شادی شدہ ہے۔
اور اس ہی وجہ سے اُن کی والدہ نے شعیب ملک کو پسند کر لیا تھا اور اُنہیں شعیب سے شادی کے لیے راضی بھی کرنے لگ گئی تھیں۔
سونیا کی شعیب ملک سے شادی کے حوالے سے اُن کی والدہ کا کہنا تھا کہ لڑکا بہت اچھا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News