پاکستان شوبز انڈسٹری کے سنیئر اداکار نعمان اعجاز نے بل گیٹس اور ان کی اہلیہ میلنڈا گیٹس کی علیحدگی پر دلچسپ تبصرہ کیا ہے۔
اداکار نعمان اعجاز نے فوٹو اینڈ ویڈیو شیئرنگ ایپ انسٹاگرام پر دنیا کے تیسرے سب سے امیر ترین آدمی بل گیٹس کی اہلیہ میلنڈا گیٹس کی علیحدگی کے حوالے سے اپنی جوانی کی ایک تصویر شئیر کی ہے۔
نعمان اعجاز کی جانب سے پوسٹ کی جانے والی تصویر پر اداکار نے لکھا کہ ’جوانی پھر نہیں آنی۔‘
اداکار نے کیپشن میں لکھا کہ ’اگر بل گیٹس پاکستانی ہوتا تو بریکنگ نیوز ہمارے میڈیا پر یہ ہوتی۔‘
نعمان اعجاز ن نے مزید لکھا کہ ’جو اپنا گھر نہ چلا سکا وہ کمپنی کیا چلائے گا۔‘
گزشتہ روز مائیکرو سافٹ کے بانی اور دنیا کے تیسرے سب سے امیر ترین آدمی بل گیٹس کی جانب سے مائیکرو بلاگنگ ویب سائٹ ٹوئٹر پر ایک پیغام کے ذریعے اپنے 27 سالہ ازدواجی رشتے کے اختتام کا اعلان کیا گیا تھا۔
گزشتہ دنوں قبل سینئر اداکار نعمان اعجاز نے انسٹا اسٹوری پر طنزیہ پوسٹ شیئر کی تھی۔
اداکار نعمان اعجاز نے اپنی انسٹا اسٹوری میں لکھا تھا کہ ’عوام کے لیے عید کی ایک اسپیشل آفر آئی ہے۔‘
عید کی اسپیشل آفر بتاتے ہوئے اداکار نے لکھا تھا کہ آج ہی رش میں کریں خریداری اور پائیں اپنے گزرے ہوئے بزرگوں سے ملنے کا موقع وہ بھی بلکل فری۔
واضح رہے کہ سماجی فاصلے، ماسک کو نظر انداز کرنے اور ایس او پیز کی خلاف ورزیوں سے ملک میں تیسری لہر کے دوران پاکستان بھر میں مریضوں اور اموات میں تیزی سے اضافہ جاری ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News