پیپلز پارٹی کے سیکرٹری جنرل نیئر بخاری نے کہا ہے کہ نااہل اور نالائق حکومت سے نجات کیسے حاصل کی جائے۔
تفصیلات کے مطابق پیپلز پارٹی کے سیکرٹری جنرل نیئر بخاری نے اپنے ایک بیان میں کہا کہ جب پی ڈی ایم کی بنیاد رکھی تھی تو ہمارا ایک ہی ایجنڈا تھا اور اس ایجنڈے پر پیپلزپارٹی آج بھی متفق ہے۔
نیئربخاری نے کہا کہ اس ایجنڈے پر دیگر سیاسی پارٹیز کو بھی کردار ادا کرنا چاہئیے۔
انہوں نے یہ بھی کہا کہ سربراہ پی ڈی ایم فضل الرحمٰن کو ایک بہتر کردار ادا کرنے کی ضرورت ہے۔
پیپلز پارٹی کے سیکرٹری جنرل کا کہنا تھا کہ سیاسی جماعتوں میں اختلافات ہوتے ہیں پر ان اختلافات کو دور کرنے کے لئے پہل کی جاتی ہے۔
نیئربخاری نے کہا کہ پہل کرنے کے لئے پی ڈی ایم کے عہدیداران کو آگے آنا چاہئیے میں سمجھتا ہوں کہ سیاست میں حرف آخر کوئی بات نہیں ہوتی۔
انہوں نے یہ بھی کہا کہ پیپلزپارٹی کا آج بھی یہی مؤقف ہے وہ نااہل حکومت سے نجات چاہتے ہیں۔
پیپلز پارٹی کے سیکرٹری جنرل کا کہنا تھا کہ اس پر جو چارٹر دیا اور ایکشن پلان بنایا تھا اس پر آج بھی قائم ہیں اور دیگر جماعتوں کو بھی اس کے مطابق پیشرفت کرنی چاہئیے۔
پیپلز پارٹی کے سیکرٹری جنرل نیئر بخاری کا مزید کہنا تھا کہ مولانا فضل الرحمٰن کو سیاسی بصیرت اور دانشمندی کا ثبوت دینا چاہئیے تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News