وزیر مذہبی امور نور الحق قادری نے کہا ہے کہ اسرائیلی فوج کی بزدلانہ کارروائی مذہبی آزادی اور دینی حریت پرحملہ ہے۔
تفصیلات کے مطابق ترکی کی میزبانی میں بیت المقدس کی تازہ صورتحال پر ہنگامی ورچوئل کانفرنس ہوئی جس میں پاکستان سمیت 60 ممالک کے 100 سے زائد مندوبین نے شرکت کی۔
کانفرنس میں ترکی کے وزیر مذہبی امور نے اپنے ابتدائی کلمات میں صدر طیب اردوان کاخصوصی پیغام سنایا جبکہ وزیر مذہبی امور نورالحق قادری نے پاکستان کی نمائندگی کرتے ہوئے حکومتی موقف پیش کیا۔
اس موقع پر وزیر مذہبی امور نور الحق قادری نے کہا کہ مسجد اقصیٰ کی بے حرمتی اور بربریت کسی ایک مذہب یا قوم کے خلاف نہیں بلکہ انسانی المیہ ہے۔
وزیر مذہبی امور نے کہا کہ مسلمانوں کا القدس کے ساتھ دینی، قلبی اور روحانی تعلق ہے، مسجد اقصیٰ کی بے حرمتی اور نہتے فلسطینیوں پر انسانیت سوز مظالم ناقابل قبول ہیں۔
نور الحق قادری نے یہ بھی کہا کہ اقوام متحدہ اورسلامتی کونسل ہنگامی طور پر مسئلہ کی سنگینی کی طرف متوجہ ہو جبکہ اسلامی ممالک کی تنظیم کو بھی فوری، موثر اور مربوط اقدامات کی ضرورت ہے۔
وزیر مذہبی امور نور الحق قادری نے مزید کہا کہ پاکستان بطور ریاست و حکومت فلسطینی قوم کے ساتھ اخلاقی، سیاسی اورسفارتی حمایت جاری رکھے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News