شمالی وزیرستان میں ملٹری پوسٹ پر سرحد پار افغانستان سے دہشت گردوں نے فائرنگ کی ہے اور فائرنگ کے تبادلے میں 32 سالہ سپاہی عمر دراز شہید ہوگیا ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ اعلامیے کے مطابق شمالی وزیرستان میں ملٹری پوسٹ پر سرحد پار افغانستان سے دہشت گردوں نے فائرنگ کی ہے اور سیکیورٹی فورسز نے سرحد پار سے دہشت گردوں کی فائرنگ کا بھرپور جواب دیا ہےجس کے نتیجے میں 32 سالہ سپاہی عمر دراز شہید ہوگیا ہے۔
آئی ایس پی آر کے مطابق شہید سپاہی عمر دراز کا تعلق ضلع جھنگ سے ہے۔
ترجمان پاک فوج نے بتایا کہ پاکستان مسلسل افغانستان سے پاک افغان بارڈر پہ مؤثر مینجمنٹ اور کنٹرول کا کہتا آ رہا ہے۔
آئی ایس پی آر نے مزید بتایا کہ دہشت گردوں کی جانب سے افغان سر زمین پاکستان کے خلاف کارروائیوں کے لئے مسلسل استعمال کی جا رہی ہے جس کی پاکستان سخت مذمت کرتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News