چیئرمین سینیٹ محمد صادق سنجرانی جبوتی کے صدر اسماعیل عمر گویئلہ کی خصوصی دعوت پر 13 مئی کو چار روزہ دورے پر جبوتی روانہ ہوں گے۔
تفصیلات کے مطابق چیئرمین سینیٹ محمد صادق سنجرانی جبوتی کے نو منتخب صدر اسماعیل عمر گویئلہ کی خصوصی دعوت پر 15 مئی کو ہونے والی تقریب حلف برداری میں شرکت کریں گے۔
چیئرمین سینیٹ کی دورے کے دوران جبوتی کے صدر ، وزیراعظم اور اعلیٰ حکام سے ملاقاتیں بھی متوقع ہیں۔
جبوتی کے ساتھ تعلقات کو مزید فروغ دینے میں محمد صادق سنجرانی نے کلیدی کردار ادا کیا ہے جبکہ مختلف شعبوں میں تعاون کے لئے نئی راہیں ہموار ہوئی ہیں۔
اس سے قبل جبوتی کے پارلیمانی وفد نے جنوری 2021 میں پاکستان کا دورہ کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News