پاکستان پیپلزپارٹی کے چیئرمین بلاول بھٹو زرداری نے کہا ہے کہ وفاقی حکومت غیرقانونی طور پر سندھ میں پانی کی ترسیل میں رکاوٹیں ڈال رہی ہے۔
تفصیلات کے مطابق پاکستان پیپلزپارٹی کے چیئرمین بلاول بھٹو زرداری سے پی پی پی سندھ کے ڈپٹی جنرل سیکریٹری ناصرشاہ اور کراچی ڈویژن کے صدر سعید غنی کی ملاقات ہوئی۔
ملاقات میں چیئرمین بلاول بھٹو زرداری نے ناصرشاہ، سعید غنی اور عبدالقادر پٹیل سے مقامی حکومتوں کے معاملے پر بات چیت کی اور شہرقائد میں پانی کی قلت کے حوالے سے بریفنگ لی۔
اس موقع پر بلاول بھٹو زرداری نے کہا کہ شہرقائد کے مسائل کے حل کی کوششوں میں تسلسل برقرار رکھا جائے، وفاقی حکومت غیرقانونی طور پر سندھ میں پانی کی ترسیل میں رکاوٹیں ڈال رہی ہے۔
پاکستان پیپلزپارٹی کے چیئرمین بلاول بھٹو زرداری نے مزید کہا کہ شہر قائد کے باسی عمران خان کے سندھ کے حصے کا پانی روکنے کے جرم کو کبھی معاف نہیں کریں گے۔
دوسری جانب پاکستان پیپلزپارٹی کے چیئرمین بلاول بھٹو زرداری نے سابق رکن سندھ اسمبلی صادق میمن سے بلاول ہاؤس میں ملاقات کی۔
اس دوران بلاول بھٹو کو پی پی پی کے ضلعی صدر نے بریفنگ دیتے ہوئے کہا کہ ٹھٹھہ اور مکلی کی عوام پانی کی قلت کے حوالے سے مسائل سے دوچار ہے۔
مالقات میں بلاول بھٹو زرداری نے کہا کہ وفاقی حکومت کے غیرقانونی اقدامات کی وجہ سے سندھ میں پانی کا بحران سنگین ہو چکا ہے۔
پاکستان پیپلزپارٹی کے چیئرمین بلاول بھٹو زرداری نے مزید کہا کہ ٹھٹھہ اور مکلی کے اسپتالوں اور ذرائع آمدورفت کے نظام کو مزید بہتر کرنے کے لئے پیپلزپارٹی ضلع کے عوام کے ساتھ کھڑی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News