عالمی شہرت یافتہ میا خلیفہ نے اسرائیلی فورسز کی جانب سے فلسطینیوں پر جاری وحشیانہ بمباری کے خلاف آواز بُلند کر لی ہے۔

تفصیلات کے مطابق میا خلیفہ نے مسجد اقصیٰ پر اسرائیلی فوج کے حملے پر فلسطینیوں سے اظہارِ یکجہتی کی ہے۔

https://twitter.com/miakhalifa/status/1391778314843344896?ref_src=twsrc%5Etfw%7Ctwcamp%5Etweetembed%7Ctwterm%5E1391778314843344896%7Ctwgr%5E%7Ctwcon%5Es1_&ref_url=https%3A%2F%2Fjang.com.pk%2Fnews%2F925743

 میا خلیفہ نے فلسطینیوں سے اظہارِ یکجہتی کے لیے سماجی رابطے کی ویب سائت ٹوئٹر اکاؤنٹ پر خصوصی پیغام جاری کیا ہے۔

میا خلیفہ نے لکھا کہ وہ صرف یہ دیکھ رہی ہیں کہ امریکا  انسانیت کے خلاف جرائم میں سالانہ 3 اعشاریہ 8 بلین ڈالرز کی مالی اعانت فراہم کررہا ہے۔

اُنہوں نے اپنے ٹوئٹ میں ہیش ٹیگ ’FreePalestine‘ کا بھی استعمال کیا جس کا مطلب ہے ’فلسطین کو آزاد کرو۔‘

دوسری جانب پاکستانی شوبز ستارے اپنی آواز بلند کررہے ہیں تو وہیں غیر ملکی فنکار بھی بھرپور انداز میں انسانیت کے لیے بول رہے ہیں۔

واضح رہے کہ غزہ پر اسرائیل کی وحشیانہ بمباری سے اب تک جاں بحق فلسطینیوں کی تعداد 36 ہوگئی ہے، 13 بچے اور مزاحمتی تنظیموں کے کئی رہنما بھی شہداء میں شامل ہیں، ایک ہزار سے زائد افراد زخمی، درجنوں عمارتیں مٹی کا ڈھیر بنادی گئی ہیں۔