حمزہ شہباز کو ایف آئی اے نے طلب کر لیا

وریشہ مسعودویب ایڈیٹر

16th Jun, 2021. 08:36 pm
حمزہ شہباز

مسلم لیگ ن کے رہنما اور پنجاب اسمبلی میں قائد حزب اختلاف حمزہ شہباز کو ایف آئی اے نے طلب کرلیا۔

تفصیلات کے مطابق ایف آئی اے نے مسلم لیگ ن کے رہنما حمزہ شہباز کو رمضان شوگر ملز کیس کی تحقیقات کے لیے 24 جون کو طلب کیا ہے۔

ذرائع کے مطابق حمزہ شہباز کو رمضان شوگر ملز کے سی ای او کی حیثیت سے طلب کیا گیا ہے۔

ایف آئی اے نوٹس کے مطابق حمزہ شہباز رمضان شوگر ملز، شریف فیڈر ملز، شریف پولٹری فارمز اور مدنی ٹریڈنگ کے چیف ایگزیکٹو آفیسر ہیں۔ وہ شریف ڈیری فارمز، شریف ملک پراڈکٹس، رمضان انرجی لمیٹڈ کے ڈائریکٹر اور العربیہ شوگر ملز کے شئیر ہولڈر ہیں۔

ایف آئی اے حکام کا کہنا ہے کہ انکوائری کے لئے پیش نہ ہونے پر حمزہ شہباز کو گرفتار بھی کیا جاسکتا ہے۔

ایف آئی اے حکام کا  مزیدکہنا ہے کہ حمزہ شہباز اس وقت رمضان شوگر ملز کے سی ای اوز اور ایم این بھی تھے۔

Adsense 300×250