معاون خصوصی برائے سیاسی ابلاغ ڈاکٹر شہباز گِل نے کہا ہے کہ مولانا کی سیاسی اقدار صرف اقتدار حاصل کرنے تک ہیں۔
تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے مولانا فضل الرحمان کے بیان پر ردعمل دیتے ہوئے کہا کہ اقتدار سے دوری کی وجہ سے مولانا ذہنی ہیجان کا شکار ہیں۔
معاون خصوصی برائے سیاسی ابلاغ نے کہا کہ مولانا کی سیاسی شعبدہ بازیاں قوم دیکھ کر انہیں ریجکٹ کر چکی۔ پارلیمان کی بالادستی صرف پارلیمنٹ میں داخلے تک ہے۔
ڈاکٹر شہباز گِل نے یہ بھی کہا کہ موصوف کو لگ رہا ہے کہ ملکی سیاسی صورتحال انکی ہونے سے ٹھیک ہوگی لیکن حقیقت اسکے برعکس ہے، ملکی معیشت و سیاسی صورتحال میں استحکام آ چکا ہے۔
معاون خصوصی برائے سیاسی ابلاغ کا کہنا تھا کہ جہاں چاہے جلسے کریں مگر جلسے میں اپنی کرپشن کا احوال بھی بتائیں، یہ بتائیں کہ مذہب کی آڑ میں نوجوان نسل کا جنسی استحصال کرنے والے بھیڑیے کی تربیت کس ے ذمہ تھی؟
ڈاکٹر شہباز گِل کا یہ بھی کہنا تھا کہ مولانا کی پارٹی کی حقیقت انکے لوگوں کے کارناموں کی وجہ سے ظاہر ہو رہی ہے۔
معاون خصوصی برائے سیاسی ابلاغ ڈاکٹر شہباز گِل کا مزید کہنا کہ پی ڈی ایم کے ذریعے اداروں پر، قومیت ہرزہ سرائی کی گئی، ملک کی جڑیں پی ڈی ایم کے پلیٹ فارم سے کھوکھلی کی گئیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News