صوبائی وزیر تیمور تالپور کا کہنا ہے کہ میں حیران ہوں حلیم عادل بھی تربیت کی بات کرتے ہیں۔
تفصیلات کے مطابق صوبائی وزیر تیمور تالپور نے حلیم عادل کے بیان پرردعمل دیتے ہوئے کہا کہ لینڈ گریبر حلیم عادل بے نقاب ہونے کے بعد ہوش و حواس کھو بیٹھے ہیں۔
انہوں نے یہ بھی کہا کہ ہم نے نیب سے حلیم عادل کی گرفتاری کا کیا پوچھا موصوف کے منہ سے جھاگ نکلنا شروع ہوگئی، حلیم عادل کی تربیت لینڈ گریبر اور قبضہ چھوڑنے کیلئے بھتہ لینا شامل ہے۔
تیمور تالپور نے مزید کہا کہ حلیم عادل جعلی طریقے سے اسمبلی آ کر سمجھتے ہیں وہ صوبے کا بڑا لیڈر بن گیا ہے، حلیم عادل کی تربیت سے تو گھر والے بھی پریشان ہوں گے، وہ سوچتے ہوں گے کہ انہوں نے کیا بویا اور کیا کاٹ رہے ہیں۔
انہوں نے مزید یہ بھی کہا کہ حلیم عادل رات کو بیٹھ کر گالیا سوچتے ہیں اور صبح کو وہ آکر دیتے ہیں، ماشاءاللہ کیا تربیت ہے، حلیم عادل کو یاد رکھنا چاہیئے کہ وہ اب قانون کے شکنجے میں آ گئے ہیں، آج نہیں تو کل انکی اپنی نیب انکو گرفتار کرے گی۔
تیمور تالپور کا کہنا یہ بھی ہے کہ سندھ کو پانی نہیں دیا جارہا، یہ سندھ کا ہاری جانتا ہے، حلیم عادل سندھ کے پانی پر بات نہیں کرتے۔
صوبائی وزیر تیمور تالپور نے مزید یہ بھی کہا کہ حلیم عادل اسمبلی میں چرپائی لائے تھے وہ بھی چوری کی تھی، ایک بلڈنگ کے چوکیدار نے چارپائی چوری ہونے کی شکایت درج کرائی ہے، حلیم عادل کے پاس سب کچھ چوری کا ہے، چاہے وہ انکی سیاست ہو، اسمبلی کی سیٹ ہو یا اپوزیشن لیڈر کی پوزیشن ہو، ہم نے گدھوں کا اسپتال شروع کردیا ہے، اگر حلیم کہے تو انکا علاج مفت میں کروائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News