بلاول بھٹو نے کہا ہے کہ پیپلز پارٹی نے ہمیشہ کشمیریوں کے حقوق کے لیے آواز اٹھائی ہے۔
تفصیلات کے مطابق چیئرمین پاکستان پیپلز پارٹی بلاول بھٹو نے باغ کے جیالوں سے جلسےسے خطاب کرتے ہوئے کہا کہ الیکشن جیت کر آزاد کشمیر کی قسمت بدل دیں گے۔
چیئرمین پاکستان پیپلز پارٹی نے کہا کہ باغ کے جیالوں نے سانحہ کارساز میں بہت شہادتیں دیں ہیں اس لئے ہمارا کشمیریوں سے ووٹ نہیں قربانیوں کا رشتہ ہے اور اس تعلق کو کوئی کٹھ پتلی جماعت نہیں توڑ سکتی ہے۔
ان کا کہنا تھا کہ الیکشن شفاف ہوا تو جیالے منتخب ہوں گے اور الیکشن جیت کر آزاد کشمیر کی قسمت بدل دیں گے۔
بلاول بھٹو نے کہا کہ ہمارے ملک کی سب سے بڑی بدقسمتی یہی ہے کہ ہمارا وزیر اعظم نا اہل ہے۔ اب آپ لوگوں کو فیصلہ کرنا ہے کہ آپ کو عوامی وزیراعظم چاہیے یا سیلیکٹڈ۔
ان کا یہ بھی کہنا تھا کہ ہمارا اور آپ کا رشتہ اتنا مضبوط ہے کہ میں عید کا تیسرا دن آپ کے ساتھ گزار رہا ہوں ۔
پیپلز پارٹی کے چئیرمین بلاول بھٹو نے مزید کہا کہ 25 جولائی کا دن کشمیر کے عوام کیلئے امتحان کا دن ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News