ڈپٹی اسپیکر قومی اسمبلی قاسم خان سوری نے کہا کہ ناراض بلوچوں سے بات کرنا ایک اچھا اقدام ہے۔
تفصیلات کے مطابق ڈپٹی اسپیکر قومی اسمبلی قاسم خان سوری نے میڈیا سے گفتگو کرتے ہوئے کہا کہ نوابزادہ شاہ زین بگٹی کو ناراض بلوچوں سے بات کرنے کا ٹاسک دیا ہے، ناراض لوگوں کو قومی دھارے میں لانے کیلئے اقدامات کررہے ہیں۔
انہوں نے کہا کہ وزیراعظم نے وعدہ کیا تھا کہ عام لوگوں کو ایوانوں میں لاؤں گا، بلوچستان کے لوگوں کو خوش ہونا چاہیئے کہ ظہور آغا گورنر بلوچستان بنے ہیں، اس حکومت میں لوگ سرمایہ کاری کررہے ہیں۔
ڈپٹی اسپیکر قومی اسمبلی قاسم خان سوری نے مزید کہا کہ وفاق سب سے زیادہ حصہ بلوچستان میں ڈال رہی ہے، بلوچستان کی محروموں کے خاتمے کیلئے اس حکومت نے جتنا کام کیا اتنا کسی نے نہیں کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News