صوبے کی عوام کی جان و مال کے تحفظ میں پولیس کا اہم کردار ہے، جام کمال خان

اسفا سروت

04th Aug, 2021. 03:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صوبے کی عوام کی جان و مال کے تحفظ میں پولیس کا اہم کردار ہے، جام کمال خان

وزیراعلیٰ بلوچستان جام کمال خان نے کہا کہ صوبے کی عوام کی جان و مال کے تحفظ میں پولیس کا اہم کردار ہے۔

تفصیلات کے مطابق وزیراعلیٰ بلوچستان جام کمال خان نے یومِ شہداء پولیس کے موقع پر پیغام دیتے ہوئے کہا کہ یوم شہدائے پولیس بہادر جوانوں کی عظیم قربانیوں کو یاد کرنے کا دن ہے، شہداء پولیس کی لازوال قربانیوں کو ہمیشہ یاد رکھا جائے گا۔

انہوں نے کہا کہ شہدائے پولیس کی لازوال قربانیوں کے باعث صوبے میں امن وامان کی صورتحال میں نمایاں بہتری آئی ہے، دہشتگردی کے خاتمے میں پولیس نے ہمیشہ فرنٹ لائن کا کردار ادا کیا ہے۔

جام کمال خان نے کہا کہ پولیس کے ان تمام شہداء کو خراج عقیدت پیش کرتے ہیں جنہوں نے صوبے میں امن وامان کی خاطر اپنی جانوں کا نذرانہ پیش کیا، صوبائی حکومت پولیس کو جدید خطوط پر استوار کر رہی ہے، جرائم کے خاتمے کے لیے محکمہ پولیس کو جدید آلات اور ٹیکنالوجی سے آراستہ کیا گیا ہے۔

وزیراعلیٰ بلوچستان جام کمال خان نے مزید کہا کہ پولیس کو جدید تقاضوں سے ہم آہنگ کرنے کے لیے ڈیٹا کمانڈ اینڈ کمیونیکیشن سینٹر کا قیام عمل میں لایا گیا ہے، بلوچستان حکومت شہداء کے خاندانوں کے ساتھ ہے۔