بھارتی سازشوں کے باوجود کشمیر پریمئیر لیگ اپنے شیڈول کے مطابق ہوگی ، شہریار آفریدی

مریم اقبال

02nd Aug, 2021. 02:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی سازشوں کے باوجود کشمیر پریمئیر لیگ اپنے شیڈول کے مطابق ہوگی ، شہریار آفریدی

چیئرمین کشمیر کمیٹی شہریار آفریدی نے کہا کہ بھارتی سازشوں کے باوجود کشمیر پریمئیر لیگ اپنے شیڈول کے مطابق ہوگی۔

تفصیلات کے مطابق چیئرمین کشمیر کمیٹی شہریار آفریدی نے بیان میں کہا کہ آئی سی سی کا بھارتی حکومت کو واضح جواب بھارت کی سفارتی محاذ پر ایک اور ناکامی ہے۔

انہوں نے کہا کہ کشمیر پریمئیر لیگ کشمیری نوجوانوں کو عالمی سطح پر اپنی صلاحیتوں کو اجاگر کرنے کا موقع فراہم کریگی ، عالمی کھلاڑی ہرشل گبز اور تلکرتنے دلشان کشمیر پریمئیر لیگ میں حصہ لینے کیلئے کل پاکستان پہنچیں گے ، دونوں کھلاڑیوں ، انکے کرکٹ بورڈز اور حکومتوں کو کرکٹ کو سپورٹ کرنے پر خراج تحسین پیش کرتے ہیں۔

چیئرمین کشمیر کمیٹی شہریار آفریدی نے کہا کہ امید ہے کہ پاکستان کرکٹ بورڈ جلد ہی فخر زمان، شاداب خان، عثمان قادر، امام الحق اور محمد حسنین کو کشمیر پریمئیر لیگ کھیلنے کیلئے این او سی جاری کردے گا ، بھارتی حکومت سے درخواست ہے کہ کھیل کو سیاست سے الگ رکھے ، کھیل عوام کو جوڑتے ہیں جبکہ نفرتیں لوگوں کو توڑتی ہیں، بھارتی حکومت اور بی سی سی آئی سے گزارش ہے کہ کرکٹ جینٹلمین گیم ہے اسے اپنی گندی سیاست سے آلودہ نہ کریں۔